શિયાળાની વિદાય અને ઉનાળાના આગમન પૂર્વે મિશ્ર ઋતુમાં રોગચાળો વકર્યેા છે. રાજકોટમાં મચ્છરજન્ય, પાણી જન્ય અને ઋતુજન્ય રોગચાળાએ ત્રિભેટે આક્રમણ કયુ છે જેના પગલે શહેરમાં ઘરે ઘરે માંદગીના ખાટલા અને દવાખાનાઓમાં દર્દીઓની લાંબી કતારો નજરે પડી રહી છે. દરમિયાન મહાપાલિકાએ આજે જાહેર કરેલા વિકલી એપેડમિક રિપોર્ટ અનુસાર શહેરમાં ડેંગ્યુના બે, શરદી–ઉધરસના ૯૯૧, તાવના ૮૧૨, ઝાડા ઉલ્ટીના ૧૮૪, ટાઇફોઇડના બે અને કમળાનો એક કેસ સહિત કુલ ૧૯૯૨ કેસ મળ્યા છે. મચ્છરના ઉપદ્રવની ફરિયાદો મળતા ૧૦૯૩ ઘરમાં ફોગિંગ કરાયું હતું તેમજ મચ્છરની ઉત્પત્તિ મળતા ૫૨૧ સંકુલોને નોટિસ ફટકારી હતી.
વિશેષમાં રાજકોટ મહાપાલિકાના આરોગ્ય અધિકારીએ ડેન્ગ્યુ, મેલેરિયા અને ચીકુનગુનિયાને ફેલાતો અટકાવવા માટે ૧૦૧૦૧૦નું સુત્ર અ૫નાવવા અપીલ કરી હતી જેમાં પ્રથમ ૧૦:દર રવિવારે સવારે ૧૦ વાગે ૧૦ મિનિટ ફાળવવી. બીજા ૧૦: ઘરમાં તથા ઘરની આસપાસના ૧૦ મીટરના એરીયામાં પાણી ભરેલા પાત્રો ઢાંકીને રાખવા તેમજ બિનઉ૫યોગી પાણી ભરેલા પાત્રો ખાલી કરવા. ત્રીજા ૧૦: આ માહિતી અન્ય ૧૦ વ્યકિતઓ સુધી ૫હોંચાડવી. આમ, માત્ર ૧૦ મિનિટ આ૫ને તેમજ આ૫ના ૫રિવારને ડેન્ગ્યુ, મેલેરિયા અને ચિકુનગુનિયા જેવા વાહકજન્ય રોગોથી બચાવી શકશે. ડેન્ગ્યૂ ફેલાવતો એડીસ મચ્છર દિવસના સમયે કરડે છે અને એક સાથે વઘુ લોકોને કરડતો હોવાથી, વધુ જનસમુદાય હોય તેવા સ્થળો એ આવા રોગ ફેલાવવાનો જોખમ વઘુ રહે છે.મચ્છરનું જીવનચક્ર ટૂંકુ હોય છે અને પુન: ઉત્પત્તિ ઝડપી હોવાથી તેનો ફેલાવો થોડા સમયમાં ખૂબ ઝડપથી થાય છે. ખાસ કરીને શહેરી વિસ્તારોમાં લોકોમાં સાફસફાઈના અભાવ, પોતાના સ્વાસ્થય પ્રત્યે બેદરકારી અને માનવીય બેદરકારીથી સહેલાઈથી મચ્છરને પ્રજનન માટે મળી રહેતા ચોખ્ખા પાણીના પાત્રોને કારણે મચ્છરની ઉત્૫તિ ઘણી વધી જાય છે.
આરોગ્ય અધિકારીએ જણાવ્યું હતું કે, રોગચાળો અટકાવવા ૩૩,૧૯૭ ઘરોમાં પોરાનાશક કામગીરી કરવામાં આવી હતી તથા મચ્છરના ઉપદ્રવની ફરિયાદો મળતા ફિલ્ડવર્કરો દ્રારા ૧૦૯૩ ઘરોમાં ફોગીંગ કરવામાં આવ્યું હતું. મચ્છરની ઘનતા વધુ હોય તેવા વિસ્તારોમાં વહિકલ માઉન્ટેન ફોગીંગ મશીન ફોગીંગ કામગીરી કરવામાં આવે છે. તથા સંવેદનશીલ સોસાયટી, મુખ્ય મંદિરો, બગીચા, ખુલ્લા પ્લોટ, સરકારી શાળાઓ, જાહેર રસ્તાઓ તથા વધુ માનવસમુદાય એકઠો થતો હોય તેવા તમામ વિસ્તારો ફોગીંગ કામગીરી હેઠળ આવરી લેવાયા હતા. ડેન્ગ્યુ રોગ અટકાયતીના ભાગપે શહેરી વિસ્તારમાં રહેણાક મકાન, દુકાન, એપાર્ટમેન્ટ, કોર્મશિયલ કોમ્પલેકસ, ઔધોગિક એકમો, વ્યાપાર ધંધાના સ્થળ તેમજ રહેણાંક મકાનની આસપાસના વિસ્તારોમાં મચ્છરોના ઉત્પતિ સ્થાનો જોવા મળશે તો જગ્યાના માલિક કે ભોગવટો કરનાર કે જવાબદાર આસામી સીધી રીતે જવાબદાર ગણી બાયલોઝ અંતર્ગત તેની વિદ્ધ મચ્છર ઉત્પતિ સબબ નોટીસ તથા વહિવટી ચાર્જ વસુલાતની કામગીરી કરવામાં આવેલ છે. આ કામગીરી હેઠળ રહેણાક સિવાય અન્ય ૭૧૮ પ્રીમાઇસીસ જેમાં બાંઘકામ સાઇટ, સ્કૂલ, હોસ્પિટલ, હોટેલ, ઇન્ડસ્ટ્રીઝ, હોસ્ટેલ, કોમ્પ્લેક્ષ, ભંગારના ડેલા, સેલર, હોલ, વાડી, પાર્ટી પ્લોટ, ધાર્મિક સ્થળ, પેટ્રોલ પં૫, સરકારી કચેરી વગેરેમાં મચ્છર ઉત્પતિ સબબ તપાસ કરવામાં આવી હતી જેમાં મચ્છર ઉત્પતિ બદલ રહેણાંકમાં ૩૩૨ અને કોર્મશીયલ ૧૮૯ આસામીને નોટીસ આ૫વામાં આવી હતી

મચ્છરનો ઉપદ્રવ અટકાવવા આટલું કરો
(૧) પાણીની સિમેન્ટની ટાંકી, સિન્ટેક્ષાની ટાંકી, બેરલ, કેરબા તથા અન્ય પાણી ભરેલ તમામ પાત્રો હવાચુસ્ત ઢાંકીને રાખીએ. હવાચૂસ્ત ઢાંકણ ન હોય તો કપડાથી હવાચુસ્ત ઢાંકીને રાખીએ.
(૨) પશુઓને પાણી પીવાની કુંડી, અવેડા દર અઠવાડિયે નિયમિત ખાલી કરી ઘસીને સાફ કરીએ.
(૩) ફ્રિજની ટ્રે, માટલા, કુલર, ફુલદાની, પક્ષીકુંજ વગેરેનું પાણી નિયમિત ખાલી કરી, ધસીને સાફ કરીએ.
(૪) બિનજરી ડબ્બાડુબ્લી, ટાયર, ભંગારનો યોગ્ય સ્થળે નિકાલ કરીએ.
(૫) અગાશી, છજજામાં જમા રહેતા પાણીનો નિકાલ કરીએ.
(૬) છોડના કુંડામાં જમા રહેતા વધારાનો પાણોનો નિકાલ કરીએ.
(૭) ડેન્ગ્યુનો મચ્છર દિવસે કરડતો હોવાથી દિવસ દરમ્યાન પુ શરીર ઢંકાય તેવા ક૫ડાં ૫હેરવા