જામજોધપુર તાલુકાના શેઠ વડાળા ગામના એક યુવાને કોઈ અગમ્ય કારણોસર ઝેરી દવા પી લઈ આત્મહત્યા કરી લીધી છે. જે મામલે શેઠવડાળા પોલીસ વધુ તપાસ ચલાવે છે.


જામજોધપુર તાલુકાના શેઠ વડાળા ગામમાં રહેતા અને ડ્રાઇવિંગ કામ કરતા અશ્વિનભાઈ નારણભાઈ બથવાર નામના ૩૫ વર્ષના યુવાને પોતાના ઘેર કોઈ અગમ્ય કારણોસર ઝેરી દવા પી લઈ આત્મહત્યાનો પ્રયાસ કરતાં તેને બેશુદ્ધ અવસ્થામાં સારવાર માટે જામનગરની જી.જી. હોસ્પિટલમાં દાખલ કરવામાં આવ્યો હતો, જયાં સારવાર દરમિયાન તેનું મૃત્યુ નીપજ્યું છે.


 આ બનાવ અંગે મૃતકના પિતા નારણભાઈ નાથાભાઈ બથવારે પોલીસને જાણ કરતાં શેઠ વડાળા પોલીસે જામનગરની સરકારી જી.જી. હોસ્પિટલમાં પહોંચી જઈ મૃતદેહનો કબજો સંભાળ્યો છે, અને પોસ્ટમોર્ટમ સહિતની કાર્યવાહી હાથ ધરી છે. તેણે કયા સંજોગોમાં આત્મહત્યાનું પગલું ભરી લીધું, તે જાણવા માટે પોલીસ વધુ તપાસ ચલાવી રહી છે.
​​​​​​​