કાલાવડ તાલુકાના નવાગામના એક ખેડૂતને વાહન અકસ્માત નડ્યા પછી નુકસાનીના પૈસા માંગવા જતાં માર પડ્યો છે, અને ત્રણ શખ્સોએ હુમલો કર્યા ની ફરિયાદ કાલાવડ ગ્રામ્ય પોલીસ મથકમાં નોંધાવી છે.


કાલાવડ તાલુકાના નવાગામમાં રહેતા અને ખેતી કામ કરતા અલ્પેશ ધરમશીભાઈ તાળા નામના ૩૯ વર્ષના ખેડૂત યુવાને પોતાના ઉપર હુમલો કરવા અંગે નવાગામના જ વૈભવ વિનુ જોટંગીયા, હરદેવગીરી નારણગીરી ગોસ્વામી અને જયેશ મોહન ધ્રાંગીયા સામે ફરિયાદ નોંધાવી છે.


પોલીસ ફરિયાદમાં જાહેર કરાયા અનુસાર પોતાના એકટીવા સાથે આરોપીઓનું છોટાહાથી ટકરાઈ ગયું હોવાથી નુકસાનીના પૈસા માંગ્યા હતા. જે પૈસા આપવાના બદલે ત્રણેયએ હુમલો કર્યો હોવાનું પોલીસમાં જાહેર કરાયું છે.
​​​​​​​