બળાત્કારી આસારામની વિદ્યાના ધામમાં હર્ષઉલ્લાસથી પૂજા થટી હોવાનો વિડીયો સામે આવતા મોટો વિવાદ સર્જાયો છે. મળતી વિગતો મુજબ બે અલગ અલગ શાળામાં માતા પિતા અને બાળકોને આ રીતે પૂજા અને આરતી કરાવવામાં આવી હતી. કડાણા તાલુકાની શાળામાં પણ માતૃ-પિતૃ પૂજન દિવસના નામે આસારામની પૂજા કરવામાં આવી હતી. મંડપ બાંધી આસારામના મોટો બેનર લગાવી ફોટા મૂકી પૂજા કરવામાં આવી હોવાના વિડીયો પણ વાઇરલ થયા હતા.
​​​​​​​

બળાત્કારના આરોપીની પૂજા સરકારી શાળામાં બાળકો પર તેની કેવી અસર પડશે તેને લઈને પણ અનેક ચર્ચાઓ ઉઠી છે. મહીસાગરના લુણાવાડાની જામાંપગીના મુવાડા પ્રાથમિક શાળામાં પણ આસારામની પૂજા કરાઈ હોવાની બાતમી બાદ તપાસના આદેશ અપાયા છે. જિલ્લા પ્રાથમિક શિક્ષણાધિકારીએ TPOને તપાસના આદેશ આપ્યાં છે. સમગ્ર મામલે TPO તપાસ કરી રીપોર્ટ સોંપશે. જે બાદ વધુ કાર્યવાહી હાથ ધરવામાં આવશે.

આસારામને કોર્ટે બળાત્કારના દોષી ઘોષિત કરી સજા પણ ફટકારી છે. ત્યારે કેટલાક આસારામ અનુયાયીઓએ આસારામના પ્રવચન સંભળાવી ફોટાની પૂજા કરાવવામાં આવી હતી. સમગ્ર બનાવના વીડિયો-ફોટો સામે આવતા વિવાદ સર્જાયો છે. ત્યારે એક બળાત્કારીની આરતી ઉતારવી અને એ પણ સરકારી શાળામાં તે કેટલા અંશે યોગ્ય છે તેવા અનેક સવાલ થઇ રહ્યા છે.