તમે પાણી વહેતું જોયું છે? તમે કહેશો કે આમાં મોટી વાત શું છે. દરેકે પાણી વહેતા જોયા છે. પરંતુ અહી વાર્તા ઊંધા વહેતા પાણીની છે. છત્તીસગઢમાં કુદરતનો એવો ચમત્કાર જોવા મળે છે કે લોકો દંગ રહી જાય છે. અહીં એક એવી જગ્યા છે જ્યાં પાણી નીચેથી ઉપર સુધી વહે છે. 

છત્તીસગઢના સુરગુજા જિલ્લામાં આવેલું મેનપત ફરવા માટેના સૌથી સુંદર સ્થળોમાંનું એક છે. મેનપતને ‘છત્તીસગઢનું શિમલા’ પણ કહેવામાં આવે છે. અહીંનું હવામાન ખૂબ જ ખુશનુમા રહે છે. જેના કારણે આખું વર્ષ લોકો અહીં ફરવા આવે છે. મેનપત જોવા માટે ઘણી જગ્યાઓ માટે પ્રખ્યાત છે, જેમાં ટાઈગર પોઈન્ટ, મહેતા પોઈન્ટ, દલદલી, ફિશ પોઈન્ટ જેવી ઘણી જગ્યાઓ સામેલ છે. મેનપતના બિસરપાણી ગામમાં ‘ઉલ્ટા પાણી’ નામની જગ્યા પણ છે.

‘ઉલ્ટા પાણી’ નામ જ આપણને કહે છે કે અહીં પાણી પાછળની તરફ વહે છે. એટલે કે પાણી નીચેથી ઉપર તરફ, ઢાળની સામે વહી રહ્યું છે. આ સ્થાન ગુરુત્વાકર્ષણના નિયમને પણ નિષ્ફળ કરે છે. અહીં પાણી  એક નાના પથ્થરની નીચેથી નીકળી રહ્યું છે, જ્યાં નીચે તરફ વહેવાને બદલે ઉપરની તરફ વિપરીત પ્રવાહ વહે છે. આ કારણે આ જગ્યાનું નામ ‘ઉલ્ટા પાણી’ રાખવામાં આવ્યું છે. અહીં પાણી કેમ ઊલટું વહી રહ્યું છે તે વૈજ્ઞાનિકો માટે એક રહસ્ય છે.

અહીં જો કોઈ વાહન, મોટરસાઈકલ કે કાર ગિયર વગર રાખવામાં આવે તો તે આપોઆપ ઢાળ ઉપર ચઢી જાય છે. જો તમે પણ મેનપતનું પ્રખ્યાત સ્થળ ઉલ્ટા પાણી જોવા માંગતા હોવ તો તમારે અંબિકાપુરથી 40 કિમી દૂર અને મેનપતથી 9 કિમી દૂર આવેલા બિસરપાની નામના ગામમાં પહોંચવું પડશે