જ્યારે બાળકોને રક્ષણ પૂરું પાડવાની વાત આવે છે, ત્યારે પ્રાણીઓની તરકીબો કઈક અજબ ગજબ જ હોય છે. હાથી એક એવું પ્રાણી છે, જે ટોળામાં રહે છે. આ ટોળામાં, નાના હાથીઓના બાળકો પણ હોય છે, જેઓને માતાની સાથે આખા જૂથ દ્વારા રક્ષણ પૂરું પાડવામાં આવે છે.

કંઈક આવું જ એક વીડિયોમાં પણ જોવા મળી રહ્યું છે, જેમાં હાથીઓનું ટોળું નવજાત બાળકને ચારે બાજુથી રક્ષણ આપી રહ્યું છે. એવું લાગે છે કે બાળકની સુરક્ષા કડક કરવામાં આવી છે. 

હાથીના બચ્ચાને જોઈને ખબર પડી કે તેનો જન્મ તાજેતરમાં જ થયો છે કારણ કે બાળકનો રંગ આછો ગુલાબી છે. તેને એકવાર જોતાં જ લાગે છે કે તે કોઈ અન્ય પ્રાણી છે. આ વીડિયોને ગેબ્રિયો કોર્નો નામના યુઝરે ટ્વિટર પર શેર કર્યો છે

વીડિયોમાં હાથીઓનું ટોળું રોડ ક્રોસ કરતું જોવા મળે છે. જેમ જેમ વિડિયો આગળ વધે છે તેમ, ટોળાની વચ્ચે એક નાનો ગુલાબી રંગનો હાથી દેખાય છે. 

​​​​​​​

આ વીડિયોને શેર કરવામાં આવ્યો ત્યારથી લાખો લોકો જોઈ ચૂક્યા છે. વીડિયો જોયા બાદ લોકો ખૂબ જ ખુશ થઈ રહ્યા છે અને કોમેન્ટ સેક્શનમાં પણ પ્રતિક્રિયા આપી રહ્યા છે.