વિદ્યા બાલન બોલિવૂડની શ્રેષ્ઠ અભિનેત્રીઓમાંની એક છે. તેણે પોતાના અભિનયના દમ પર લોકોના દિલ જીતી લીધા છે. અભિનેત્રી તેના સોશિયલ મીડિયા દ્વારા તેના ફેન્સ સાથે જોડાયેલી રહે છે. તે સોશિયલ મીડિયા પર ઘણા ફોલોઅર્સ ધરાવે છે. પણ હાલ તે ફેક ઇન્સ્ટાગ્રામનો શિકાર બની છે.

આમતો ઘણીવાર ફેન્સ તેના ફેવરિટ સ્ટાર્સના નામે ઇન્સ્ટાગ્રામ પર ફેન પેજ એકાઉન્ટ ચલાવતા હોય છે. પરંતુ એક યુઝર વિદ્યા બાલનના નામે નકલી ઈન્સ્ટાગ્રામ અકાઉન્ટ ચલાવી રહ્યો છે. આ માહિતી ખૂદ અભિનેત્રી વિદ્યાબાલને તેની ઇન્સ્ટાગ્રામ સ્ટોરી પર આપી છે. જેમાં અભિનેત્રીએ પોસ્ટ કરી લખ્યું છે કે, બધાને નમસ્કાર, પહેલા ફોન નંબર અને હવે કોઈ મારા નામે અકાઉન્ટ ચલાવવામાં આવી રહ્યું છે. આ અકાઉન્ટથી મારા નામથી લોકોનો સંપર્ક થઇ રહ્યો છે.

આમ, ખૂદ અભિનેત્રીએ જ ઇન્ટગ્રામ પર તેના ફેક અકાઇન્ટ અંગેની માહિતી આપી તેના ફેન્સને ચેતવી દીધા છે. એટલું જ નહી તેણે એમ પણ જણાવ્યું હતું કે તેની ટીમે આ માટે રિપોર્ટ પણ કરી દીધો છે. લોકોને આ ફેક અકાઉન્ટ રિપોર્ટ કરવા અને બ્લોક કરવા અભિનેત્રીએ જણાવ્યું હતું. ઇન્ટાગ્રામ પર બનેલા ફેક અકાઉન્ટ સાથે કોઇ પણ પ્રકારે વ્યવહાર ન કરવા માટે વિદ્યા બાલને જાણકારી આપી હતી.