બોલિવૂડ અભિનેતા અક્ષય કુમારે સદગુરુ માટે OMG 2ના સ્પેશીયલ પ્રીવ્યૂનું આયોજન કર્યું હતું. જેનો એક વીડિયો યોગ સેન્ટર દ્વારા શેર કરવામાં આવ્યો છે. અક્ષય કુમારે કોઈમ્બતુરમાં ઈશા યોગા કેન્દ્રમાં સદગુરુ માટે તેમની આગામી ફિલ્મ OMG 2 ની વિશેષ સ્ક્રીનિંગનું આયોજન કર્યું હતું. આ દરમિયાન સદગુરુએ પણ ફિલ્મ વિશે પોતાના વિચારો લોકો સાથે શેર કર્યા હતા. યોગ સેન્ટર વતી અક્ષય કુમારનો પણ આભાર માન્યો હતો. તેઓએ એક વિડિયો પણ શેર કર્યો તે બતાવવા માટે કે તેઓએ માત્ર OMG 2 એકસાથે જોયો નથી પરંતુ ફ્રિસ્બીની મેચ પણ રમી છે.

સદગુરુએ પોસ્ટમાં લખ્યું, “નમસ્કારમ અક્ષયકુમાર તમે ઈશા યોગ કેન્દ્રમાં આવ્યા અને અમને 'ઓહ માય ગોડ-2' બતાવ્યું તે અદ્ભુત હતું. જો આપણે એવા સમાજનું નિર્માણ કરવા માગીએ છીએ જે તેની મહિલાઓની સુરક્ષા અને ગૌરવ પ્રત્યે સંવેદનશીલ હોય, તો યુવાનોને પોતાની શારીરિક જરૂરિયાતોને કેવી રીતે સંભાળવી તે અંગે શિક્ષિત કરવું જરૂરી છે. સમય આવી ગયો છે કે આપણી શિક્ષણ પ્રણાલી આપણા યુવાનોને તેમના પોતાના શરીર, મન અને લાગણીઓને સંપૂર્ણ રીતે નિયંત્રિત કરવા સક્ષમ બનાવવા પર ધ્યાન કેન્દ્રિત કરે.

આ પોસ્ટનો જવાબ આપતાં અક્ષયે જવાબ આપ્યો, નમસ્કારમ સદગુરુ, ઈશા યોગ કેન્દ્રની મુલાકાત લેવી ખૂબ જ સન્માનની વાત છે. મને અત્યાર સુધીના શ્રેષ્ઠ અનુભવોમાંથી એક આ મુલાકત બની છે. OMG 2 જોવા માટે અને તમારા દયાળુ પ્રતિસાદ બદલ આભાર. OMG 2 એ અક્ષય કુમારની 2012માં આવેલી ફિલ્મ OMGની સિક્વલ છે.

ફિલ્મમાં અભિનેતા ભગવાન શિવના સંદેશવાહકની ભૂમિકા ભજવી રહ્યો છે. સેન્સર બોર્ડે ફિલ્મ પર પ્રતિબંધ મૂક્યો હતો અને ફિલ્મ નિર્માતાઓને લગભગ 27 ફેરફારો કરવાનો નિર્દેશ આપ્યો હતો. ફેરફારો કર્યા પછી, OMG 2 ને સેન્ટ્રલ બોર્ડ ઓફ ફિલ્મ સર્ટિફિકેશન (CBFC) દ્વારા માત્ર પુખ્ત વયના 'A' પ્રમાણપત્ર આપવામાં આવ્યા હતા. અમિત રાય દ્વારા નિર્દેશિત આ ફિલ્મમાં અક્ષય કુમાર સિવાય પંકજ ત્રિપાઠી અને યામી ગૌતમ પણ છે.