કર્ણાટક પોલીસ પાસેથી પ્રાપ્ત માહિતી અનુસાર, આ ઘટના કર્ણાટકના બેંગલુરુમાં શુક્રવારે રાત્રે રેવા યુનિવર્સિટી કોલેજમાં એક કાર્યક્રમ દરમિયાન બની હતી, જેમાં એન્જિનિયરિંગના એક વિદ્યાર્થીની ચાકુ મારીને હત્યા કરવામાં આવી હતી.

કર્ણાટક પોલીસે જણાવ્યું કે કોલેજની ફેરવેલ પાર્ટી દરમિયાન વિદ્યાર્થીઓના બે જૂથો વચ્ચે ઝઘડો થયો હતો, જેમાં બંને પક્ષો તરફથી હુમલો શરૂ થયો હતો, જેમાં એક એન્જિનિયરિંગ વિદ્યાર્થીનું મોત થયું હતું. મૃતક યુવક મૂળ વડોદરાનો રહેવાસી છે. 

પોલીસની પ્રાથમિક તપાસમાં 22 વર્ષીય મૃતક યુવક ભાસ્કર જેટી મૂળ વડોદરાનો હોઈ છેલ્લા 4 વર્ષથી બેંગલુરુમાં મિકેનિકલ એન્જિનિયરિંગના અભ્યાસ કરી રહ્યો હતો. હાલ પોલીસે ગુનો નોંધી આગળની કાર્યવાહી હાથ ધરી છે, અને આરોપીની શોધખોળ હાથ ધરી છે. 
​​​​​​​

આ ઘટના ઉત્તર-પૂર્વ બેંગલુરુમાં યેલાહંકા નજીક કટ્ટીજાનાહલ્લી ખાતે રેવા યુનિવર્સિટીના કેમ્પસમાં બની હતી. પોલીસે જણાવ્યું કે યુનિવર્સિટીએ શુક્રવારે કોલેજ ફેસ્ટનું આયોજન કર્યું હતું. ઉજવણી દરમિયાન, રાત્રે 9.30 થી 9.45 વાગ્યાની વચ્ચે, વિદ્યાર્થીઓના બે જૂથો કોઈ મુદ્દે એકબીજા સાથે અથડામણ થઇ હતી. ગુસ્સામાં એક યુવકે ભાસ્કરના વિદ્યાર્થીના પેટમાં છરો મારી દીધો હતો.

ડેપ્યુટી કમિશનર ઓફ પોલીસ (ઉત્તર-પૂર્વ) લક્ષ્મી પ્રસાદે જણાવ્યું હતું કે, "બે જૂથો વચ્ચેની લડાઈમાં એક વિદ્યાર્થીને છરો મારવામાં આવ્યો હતો. ઇજાગ્રસ્ત ભાસ્કર જેટીએ તેની ઇજાઓથી દમ તોડ્યો હતો." બગાલુરુ પોલીસ સ્ટેશનમાં હત્યાનો કેસ નોંધવામાં આવ્યો છે. તપાસ ચાલુ છે અને છરીના ઘા મારીને હત્યા કરનાર વિદ્યાર્થીઓને પકડવાના પ્રયાસો ચાલુ છે. લડાઈનું ચોક્કસ કારણ હજુ સુધી જાણી શકાયું નથી. મુજબ મૃતક યુવકને હોસ્પિટલ લઈ જવામાં આવ્યો હતો, પરંતુ સારવાર દરમિયાન યુવકનું મોત નીપજ્યું હતું. પોલીસે મૃતદેહને પોતાના કબજામાં લઈ પોસ્ટમોર્ટમ માટે હોસ્પિટલ મોકલી આપ્યો છે, પોસ્ટમોર્ટમ બાદ મૃતદેહ સ્વજનોને સોંપવામાં આવશે.