વાંકાનેર વિસ્તારમાં આજે વહેલી સવારથી જ ભારે પવનના સૂસવાટા સાથે વરસાદ વરસી રહ્યો છે ત્યારે પવનનાં કારણે ઘણીબધી જગ્યાએ નાની મોટી નુકસાની અને વૃક્ષો પડી જવાના સમાચાર મળી રહ્યા છે. જેમાં વાંકાનેર શહેર ખાતે આવેલ ગાયત્રી મંદિર પરિસરમાં પણ ભારે પવનના કારણે બે મહાકાય વૃક્ષો ધરાશાયી થઈ ગયા હતા.
​​​​​​​
આ બનાવમાં સદનસીબે કોઈ જાનહાનિ થયેલ નથી પરંતુ વૃક્ષો ધરાશાયી થઈ જવાની મંદિર પરિસરમાં નાની-મોટી નુકસાની થયેલ છે, હાલ આ બન્ને વૃક્ષોને વરસાદ અને પવન રહ્યા બાદ દૂર કરવાની કામગીરી કરવામાં આવશે તેવું મંદિર ટીમના રાહુલભાઈ જોબનપુત્રા દ્વારા જણાવવામાં આવ્યું છે.