જામનગરના લાલવાડી આવાસ શિતલધામ સોસાયટી-2માં રહેતા વેપારી પરેશ રાજુ આહુજા અને શરૂ સેકશન રોડ ડેરી સામે રહેતા વેપારી રીષીત મનોજ કુંભારાણા નામના બંને શખ્સોને ફોરવ્હીલ કાર નં. જીજે-10-સીજી-4684માં વિદેશી દારૂના ચપલા સાથે જી.જી. હોસ્પીટલ સામેના રોડ પરથી નીકળતા સીટી-બી પોલીસે પકડી લીધા હતા અને કાયદેસરની કાર્યવાહી કરી હતી.

બીજા બનાવમાં નાઘેડી ગામની અવધનગર સોસાયટીમાં રહેતા મજુરીકામ કરતા અર્જુનસિંહ ભીમસિંહ ચૌહાણ (ઉ.વ.31) નામના શખ્સને ઇંગ્લીશ દારૂની 1 બોટલ લઇને જામનગરના 49 દિ.પ્લોટ રોડ પરથી નીકળતા પોલીસે પકડી લીધો હતો.

જામજોધપુરમાં વર્લીબાઝની અટક

જામજોધપુરમાં પટેલ સમાજ પાસે રહેતા ખેતીકામ કરતા મુકેશ ગોપાલ હાસલીયા નામના શખ્સને આ વિસ્તારમાં જાહેરમાં વર્લી મટકાના આંકડાઓ જુગાર રમતા રોકડ 1120, 1 મોબાઇલ અને સાહિત્ય સાથે જામનગર એલસીબીની ટુકડીએ દબોચી લીધો હતો. જયારે બાલવા ગામનો દિલીપભાઇ નામનો શખ્સ ફરાર થઇ ગયો હતો.