આટકોટના બળધોઈ ગામ નજીક હાઈવે ઉપર બાઈક અને કાર વચ્ચે સર્જાયેલા અકસ્માતમાં બન્ને વાહનો ફેંકાઈને રોડ ઉપરથી ખેતરમાં ફેંકાતા શિવરાજપુર (તા.જસદણના બે પિતરાઈ ભાઈ યુવાનોના મૃત્યુ થયા હતા.
બળધોઈ હાઈવે ઉપર ડુંગર નજીક સર્જાયેલા ગમખ્યાર અકસ્માતમાં શિવરાજપુરના રમેશ ધોહાભાઈ સરિયા ઉ.વ.૩૫ અને સંજય ધી‚ભાઈ સરિયા ઉ.વ.૨૯ બન્ને કાકા-બાપાના દીકરાનું મૃત્યુ થયું હતું. બન્ને મૃતકોમાં એકનું સ્થળ ઉપર અને સંજય સરિયાને પ્રથમ જસદણ બાદ વધુ સારવાર માટે રાજકોટ ખસેડાતા માર્ગમાં મૃત્યુ થયું હતું. 
મૃતકોમાં રમેશભાઈ બે પુત્રો અને એક પુત્રીના પિતા હતા. જયારે સંજયભાઈ બે પુત્રી, એક પુત્રના પિતા હતા. આ બનાવથી શિવરાજપુર ગામમાં શોક હડતાલ પાડવામાં આવી હતી. આટકોટ પોલીસના સુરેશભાઈ સોલંકી અને ભોવશભાઈ પરમારે સ્થળે જઈ ધોરણસરની કાર્યવાહી હાથ ધરી છે.