aajkaal@team

દાનપેટી તોડી રોકડ-પરચૂરણ વસ્તુઓ મળી કુલ રૂ.૧૦ હજારની મત્તાની ચોરી : ચોરની ઘટના સીસીટીવી કેમેરામાં કેદ

ભાવનગર શહેરના સિંધુનગરમા આવેલા કકુરામ મંદિર અને ભાઈ સાહેબ બખતરામ મંદિર ને તસ્કરો એ વહેલી સવારે નિશાન બનાવી દાનપેટી માથી રોકડની ચોરી કરી ફરાર થઈ જતાં ઘોઘા રોડ પોલીસ મથકમાં નોંઘ કરવામાં આવી હતી

આ બનાવની જાણવા મળતી માહિતી મુજબ ભાવનગર શહેરના સિંધુનગરમા આવેલા કકુરામ મંદિર તથા ભાઈ સાહેબ બખતરામ મંદિરમાં થવા પામી છે જેમાં અજાણ્યો શખ્સ વહેલી પરોઢે ચારેક વાગ્યાના સમયે બંધ મંદિરના તાળા તોડી મંદિરમાં પ્રવેશી દાનપેટી તોડવાનો પ્રયત્ન કર્યો હતો પરંતુ દાનપેટી ન તૂટતાં મંદિરમાં રહેલી ચિજવસ્તુઓ ઉઠાવી હતી અને બાજુમાં આવેલ ભાઈ સાહેબ બખતરામ મંદિરમાં પ્રવેશી દાનપેટી તોડી રોકડ રકમ ચોરી ફરાર થઈ ગયો હતો આ ચોરની કરતૂતો મંદિરમાં રાખેલ સીસીટીવી કેમેરા માં આબાદ કેદ થઈ હતી સવારે દર્શને આવતા શ્રદ્ધાળુઓને આ બાબતની જાણ થતાં પોલીસે જાણ કરવામાં આવતા પોલીસ કાફલો ઘટના સ્થળે દોડી આવ્યો હતો અને તપાસ હાથ ધરી હતી આ બંને મંદિર માથી અંદાજે રૂપિયા ૧૦ હજારની મત્તાની ચોરી થવા પામી હોવાનું જાણવા મળ્યું હતું