બીગ બી  આજે પોતાનો 81મો જન્મદિવસ ઉજવી રહ્યા છે. દર વખતની જેમ આ વખતે પણ બિગ બીને તેમના ફેન્સએ ઘરે જઈ શુભેચ્છા પાઠવી હતી. અમિતાભ બચ્ચનની જન્મદિવસની તસવીરો સામે આવી છે, જેમાં બિગ બી તેમના હજારો પ્રશંસકોને મળતા જોવા મળે છે. અમિતાભ રાત્રે પણ તેમના ચાહકોને મળ્યા હતા.

હવે ફરી એક વખત દિવસ દરમિયાન અમિતાભ બચ્ચન તેમના ઘર 'જલસા'માંથી બહાર આવ્યા અને ચાહકોને મળ્યા. આ પ્રસંગે, બિગ બીના ઘર પાસે હજારો ચાહકો એકઠા થતા જોવા મળે છે જેઓ તેમની એક ઝલક મેળવવા માટે ઉત્સુક છે.

બિગ બીએ પીળા અને સફેદ રંગનો કુર્તા પાયજામા પહેર્યો છે જેની ઉપર તેણે નારંગી રંગની શાલ પહેરી છે. આ પોશાક સાથે, અમિતાભ બચ્ચને તેમના ગળામાં કેટલીક માળા પહેરી છે અને તેમના કપાળ પર તિલક લગાવ્યું છે.અમિતાભના જલસા સામે હંમેશા લોકોની ભીડ જામે છે. તેઓ અવારનવાર જલસામાંથી બહાર આવે છે અને તેમના ચાહકોને મળે છે અને તેમનો આભાર માને છે.