કૃષ્ણનગરમાં બર્થડેની ઉજવણી બંધ કરાવવા ગયેલા પીએસઆઈ સાથે માથાકૂટ કરી હતી: આગાઉ ચારની ધરપકડ થઇ હતી

કૃષ્ણનગર રોડ પર રસ્તા પર વાહનો દ્વારા રોડ બ્લોક કરી અમુક શખ્સો જન્મ દિવસની ઉજવણી કરતા હોય માલવીયાનગર પોલીસ સ્ટેશનની વેનમાં નાઈટ પેટ્રોલિંગમાં રહેલા પીએસઆઈ પી.એલ.ધામા સ્ટાફ સાથે સ્થળ પર પહોંચ્યા હતા.ત્યાં જઈ જોયું તો ચાર જેટલી કાર રોડ વચ્ચે રાખી બ્લોક કરવામાં આવ્યો હતો.એટલુ જ નહી થારના બોનેટ ઉપર છ કેક રાખી ત્યાં એકત્રીત જન્મ દિવસની ઉજવણી થઈ રહી હતી.જેથી આરોપીઓને કાર સાઈડમાં લઈ લેવાનું કહેતા ઉશ્કેરાઈ જઈ એક શખ્સ પાસે આવ્યો હતો.જેણે કહ્યું કે તમે મને ઓળખતા નથી,હું ઇશાન જોશી છું,આજે મારા ભાઈ વિશાલનો જન્મ દિવસ છે. હમણા જ કેક કપાઈ જશે તમને શું વાંધો છે.જેથી પીએસઆઈ ધામાએ કહ્યું કે,તમે લોકો કાર સાઈડમાં લઈ, કોઈને નડતર ન થાય તે રીતે જન્મદિવસની ઉજવણી કરો તે સાથે જ વિશાલ અને તેના ભાઈ ઈશાને તેને રોકી ઝપાઝપી શરૂ કરી હતી.પોલીસે વિખેરાઈ જવાનું કહેતા પીએસઆઈ ધામા સાથે ઝપાઝપી કરી તેને ધક્કા મારી કાઠલો પકડી નેઈમ પ્લેટ અને યુનિર્ફોમના શર્ટનું બટન તોડી નાખ્યું હતું.પરીણામે પીએસઆઈ ધામાએ વધુ પોલીસ ફોર્સ મંગાવી હતી.તે સાથે જ આરોપીઓ ભાગવા લાગ્યા હતા. આમ છતાં સ્થળ પરથી બે આરોપી દર્શન નિલેશ ભટ્ટ અને કિરીટ ઉર્ફે કીરો મનસુખ પીઠડીયા હાથમાં આવતા બંનેની અટકાયત કરવામાં આવી હતી.

ત્યારબાદ તમામ આરોપીઓ સામે ગુનો દાખલ કરી નયનાબેન ભીખાભાઈ જોશી અને મિતાલીબેન ભીખાભાઈ જોશીની ધ૨પકડ કરી બાકીના પાંચ આરોપીઓમાં વિશાલ જોશી, તેના ભાઈ ઈશાન, વિનય ભટ્ટ, ગોપાલ બાલાભાઈ બોળીયા અને સતિષ માલમની માલવીયાનગર પોલીસે શોધખોળ શરૂ કરી છે.બાદમાં પોલીસે આરોપી સતિષ માલમને પણ ઝડપી લીધો હતો.

દરમિયાન આ પ્રકરણમાં આરોપી વિશાલ ભીખામાઇ જોશી(ઉ.વ ૩૦) ઇશાન ભીખાભાઇ જોશી(ઉ.વ ૩૧) અને વિનય જીતેન્દ્રભાઇ ભટ્ટ(ઉ.વ ૨૫) સામેથી પોલીસ સમક્ષ રજુ થતા પોલીસે તેની ધરપકડ કરી જરૂરી કાર્યવાહી કરી હતી.ઉલ્લેખનીય છે કે,10 વર્ષ પહેલા ઇશાને પ્રેમસંબંધમાં પોતાના મિત્રનું અપહરણ કરી હત્યા કરી હતી.આ બન્ને ભાઈ અગાઉ અલગ અલગ મારામારી, દારૂ,ગેરકાયદેસર હથિયારના સહિતના 10-10 ગુનામાં સંડોવાયેલા છે.