કેનેડા અને અમેરિકા વચ્ચેની સરહદ પર ભારતીય ઇમિગ્રન્ટ્સ દ્વારા ગેરકાયદેસર ઘૂસણખોરીના બનાવોમાં વધારો થયો છે. યુએસ બોર્ડર એન્ડ કસ્ટમ્સ ડિપાર્ટમેન્ટના ડેટા અનુસાર, તાજેતરના વર્ષોમાં ભારતીય ઇમિગ્રન્ટ્સની સંખ્યામાં નોંધપાત્ર વધારો થયો છે. આ મુદ્દો અમેરિકાના ચૂંટાયેલા રાષ્ટ્રપતિ ડોનાલ્ડ ટ્રમ્પ અને કેનેડાના વડા પ્રધાન જસ્ટિન ટ્રુડોની સરકારો વચ્ચેનો મુખ્ય દ્વિપક્ષીય મુદ્દો બની રહ્યો છે. યુએસ બોર્ડર એન્ડ કસ્ટમ્સ ડિપાર્ટમેન્ટ અનુસાર, 2022માં 109,535 લોકોએ અમેરિકામાં ગેરકાયદેસર પ્રવેશ કરવાનો પ્રયાસ કર્યો, જેમાં ભારતીયોનો હિસ્સો 16% હતો. 2023 માં, આ આંકડો 30,010 પર પહોંચ્યો, જે કુલ 189,402 સ્થળાંતરનો હિસ્સો 16% હતો. 2024માં અત્યાર સુધીમાં કુલ 198,929માંથી 22% 43,764 ભારતીયોએ ગેરકાયદે પ્રવેશ કરવાનો પ્રયાસ કર્યો છે. આ આંકડાઓ માત્ર પકડાયેલા પરપ્રાંતીયો પૂરતા જ મર્યિદિત છે.

કેનેડિયન નિકાસ પર ટ્રમ્પની ચેતવણી
સરહદ પર વધી રહેલા દબાણને લઈને ટ્રમ્પે કેનેડા પર તેને ઉકેલવા દબાણ કર્યું છે. તેણે કેનેડિયન નિકાસ પર 25% ડ્યુટી લાદવાની ધમકી આપી છે. ટ્રુડો તાજેતરમાં જ ફ્લોરિડામાં ટ્રમ્પ્ને આ મુદ્દે ચર્ચા  કરવા મળ્યા હતા. મળતી માહિતી મુજબ આ દરમિયાન કેનેડાના જાહેર સુરક્ષા મંત્રી પણ હાજર હતા.

દ્વિપક્ષીય મુદ્દો ત્રિકોણીય વિવાદ બની શકે
માનવામાં આવી રહ્યું છે કે યુએસ-કેનેડા સરહદનો આ મુદ્દો માત્ર દ્વિપક્ષીય નહીં રહે પરંતુ ત્રિકોણીય વિવાદનું સ્વરૂપ લઈ શકે છે. ભારતીય ઈમિગ્રન્ટ્સને કારણે ઊભી થયેલી પરિસ્થિતિએ ભારત, અમેરિકા અને કેનેડા વચ્ચે નવા પડકારો ઊભા કયર્િ છે. આવી સ્થિતિમાં, આ મુદ્દો માત્ર સરહદ સુરક્ષા પર જ નહીં પરંતુ સ્થળાંતર નીતિઓ પર પણ વ્યાપક અસર કરી શકે છે. હવે ટ્રમ્પ્ના આગામી નિર્ણયો પર વિશ્વની નજર છે.વોશિંગ્ટન સ્થિત નિસ્કાનેન સેન્ટરના અહેવાલ મુજબ કેનેડા ભારતીય ઇમિગ્રન્ટ્સ માટે અનુકૂળ પ્રવેશ સ્થળ બની રહ્યું છે. આનું કારણ એ છે કે કેનેડિયન વિઝા પ્રક્રિયા 76 દિવસમાં પૂર્ણ થાય છે જ્યારે યુએસ વિઝા માટે એપોઇન્ટમેન્ટ મેળવવામાં લગભગ એક વર્ષનો સમય લાગી શકે છે. વધુમાં, યુએસ-કેનેડા સરહદ લાંબી અને પ્રમાણમાં ઓછી સુરક્ષિત છે, જે તેને સ્થળાંતર કરનારાઓ માટે સરળ માર્ગ બનાવે છે. વિશ્લેષકોના જણાવ્યા અનુસાર, પંજાબથી આવતા સ્થળાંતરકારોની સંખ્યામાં વધારો જોવા મળ્યો છે. પંજાબ જ્યાં ખાલિસ્તાન ચળવળના મૂળિયા છે ત્યાંથી આવતા ઘણા ઇમિગ્રન્ટ્સને અમેરિકામાં આશ્રય આપવામાં આવી રહ્યો છે. જો કે, ભારતીય નીતિ નિમર્તિાઓ માને છે કે આ સ્થળાંતર કરનારાઓના આર્થિક હેતુઓને કારણે, તેઓ અલગતાવાદી રાજકારણમાં સક્રિય થવાની શક્યતા ઓછી છે.કેનેડાથી અમેરિકામાં ગેરકાયદેસર સ્થળાંતર કેમ સરળ છે?