'શેરશાહ' અને 'ભૂલ ભુલૈયા 2' જેવી ફિલ્મોમાં પોતાના દમદાર અભિનયથી લોકોના દિલ જીતનારી અભિનેત્રી કિયારા અડવાણી ઘણીવાર હેડલાઇન્સમાં રહે છે. આ દિવસોમાં અભિનેત્રી 77માં કાન્સ ફિલ્મ ફેસ્ટિવલમાં તેના ડેબ્યૂ માટે ચર્ચામાં છે. પહેલા દિવસે, એક્ટ્રેસે હાઇ થાઈ સ્લિટ સાથે આઇવરી ક્રેપ બેક સાટીન ડ્રેસમાં લોકોને દંગ કરી દીધા હતા, જ્યારે બીજા દિવસે, તેણે ઓરેન્જ રંગના રુચ ડ્રેસમાં પોતાની સ્ટાઇલથી લોકોને દિવાના બનાવ્યા હતા. જો કે, આ બધા વચ્ચે અભિનેત્રીએ કાન્સમાં કંઈક એવું કર્યું, જેના કારણે હવે લોકો તેને સોશિયલ મીડિયા પર જોરદાર ટ્રોલ કરી રહ્યા છે.

હાલમાં જ કાન્સ ફિલ્મ ફેસ્ટિવલમાંથી કિયારા અડવાણીનો એક વીડિયો સામે આવ્યો છે જે સોશિયલ મીડિયા પર વાયરલ થઈ રહ્યો છે. આ વીડિયોમાં અભિનેત્રી મીડિયા સાથે વાત કરતી જોવા મળી રહી છે. જો કે, આ દરમિયાન, ચાહકોને તેની અંગ્રેજી બોલવાની રીત આર્ટિફીશિયલ લાગી રહી છે. બસ, આ જોઈને લોકો તેને ટ્રોલ કરવા લાગ્યા. કેટલાક યુઝર્સે તો કિયારાને આ રીતે બોલવા માટે પૂછ્યું છે કે શું કિયારા પોતાને કિમ કાર્દાશિયન માને છે? અન્ય એક યુઝરે લખ્યું છે કે કાન્સ ગયા પછી તેની સાથે આ શું થયું ?

કિયારાના વર્ક ફ્રન્ટ વિશે વાત કરીએ તો, તે ટૂંક સમયમાં સાઉથ એક્ટર રામ ચરણ સાથે પોલિટિકલ એક્શન થ્રિલર ફિલ્મ 'ગેમ ચેન્જર'માં જોવા મળશે. આ ફિલ્મમાં તે પહેલીવાર રામ સાથે જોડાઈ છે. આ સિવાય કિયારા પાસે રિતિક રોશન અને જુનિયર એનટીઆરની 'વોર 2' છે. અભિનેત્રી 'ડોન 3'માં પણ પોતાની અભિનય કૌશલ્ય બતાવવા જઈ રહી છે. આ ફિલ્મમાં તેની સાથે રણવીર સિંહ લીડ રોલમાં હશે.