મોબાઈલ ફોનની ટેક્નોલોજી એક પુરુષ માટે ત્યારે ફટકો સાબિત થઈ જ્યારે તેની પત્નીએ મેસેજ વાંચ્યા જે તેને લાગતું હતું કે તેણે પૂરી રીતે ડિલીટ કરી દીધા છે. આ મેસેજ વાંચીને તેની પત્નીએ છૂટાછેડા માટે અરજી કરી અને હવે આ વ્યક્તિએ એપલ કંપની સામે જ કરોડોનો દાવો કર્યો છે. વાસ્તવમાં વેપારીએ સેક્સ વર્કરોને મોકલેલા મેસેજ તેની પત્નીએ વાંચ્યા હતા.

આ વ્યક્તિએ તેના આઇફોનમાંથી આ મેસેજ ડિલીટ કરી દીધા હતા, પરંતુ તે આઇફોન પરિવારના આઇમેક સાથે જોડાયેલો હતો અને તેમાંથી મેસેજ ડિલીટ કરી શકાયો ન હતો અને તે છૂટાછેડા તરફ દોરી ગયો હતો. અને હવે ઈંગ્લેન્ડના આ બિઝનેસમેને એપલ વિરુદ્ધ કેસ દાખલ કર્યો છે. અહેવાલ મુજબ, આ વ્યક્તિ, સેક્સ વર્કર્સ સાથે વાતચીત કરવા માટે આઇમેસેજનો ઉપયોગ કરી રહ્યો હતો.

બિઝનેસમેનનો દાવો છે કે તેણે તેના આઈફોનમાંથી પુરાવા ડિલીટ કરી દીધા છે. પરંતુ કુટુંબના ડિવાઇસ સમાન એપલ આઈડી સાથે જોડાયેલા હોવાને કારણે, આઇમેક પરના મેસેજ હજુ પણ વાંચી શકાય તેવા હતા. તેમનું કહેવું છે કે એપલે યુઝર્સને એવું નથી કહ્યું કે એક ડિવાઈસ પર મેસેજ ડિલીટ કરવાથી તે તમામ લિંક્ડ ડિવાઈસમાંથી ડિલીટ થઈ જતો નથી.

અહેવાલ છે કે માણસની પત્નીએ મેસેજ જોયા હતા અને છૂટાછેડા માટે અરજી કરી હતી, જેના કારણે તેને 5 મિલિયન પાઉન્ડ અથવા લગભગ રૂ. 52 કરોડ 92 લાખનો ખર્ચ થયો હતો.