ગાંજા, ભાંગ કે અન્ય કોઈ નશાનું સેવન કરવાથી મનુષ્ય એટલો નશો થઈ જાય છે કે તે બધું ભૂલીને વિચિત્ર કામ કરવા લાગે છે. પરંતુ વિચારો કે જો પ્રાણીઓ માણસોની જેમ તેનું સેવન કરે તો શું થશે? તાજેતરમાં કેટલાક ઘેટાંઓએ ગાંજાના પાન ખાય લીધા હતા, તે પછી તેમની સાથે શું થયું, તે જોઈને ભરવાડ પણ દંગ રહી ગયા. આ મામલો ગ્રીસનો છે.

અહેવાલ મુજબ, તાજેતરમાં ગ્રીસના અલ્મિરોસમાં એક આશ્ચર્યજનક ઘટના બની છે. અહીં કેટલાક ઘેટાંએ મળીને ૨૭૨ કિલો ગાંજો ખાઈ લીધો, ત્યારપછી તેઓએ અજીબોગરીબ હરકતો કરવા માંડ્યા. 

lમીડિયા સાથે વાત કરતા ખેતરના માલિકે કહ્યું કે આ દ્રશ્ય જોઈને તેને હસવું કે રડવું તે સમજાતું નથી. તેમણે કહ્યું કે ગરમીના કારણે કેટલોક પાક બગડી ગયો, કેટલાક પાક પૂરમાં નાશ પામ્યો અને જે બચ્યું હતું તે ઘેટાં ખાઈ ગયા. ફાર્મના માલિક યાનિસ બૌરોનિસે કહ્યું કે ઘેટાઓઓએ લીલા પાંદડા સમજી તે ખાધા. જે બાદ તેઓ વાંદરાની જેમ કૂદવા લાગ્યા.