તમે બાળકોની મિત્રતાની ઘણી વાર્તાઓ સાંભળી હશે અને તેને સાંભળવાની ઘણી મજા આવે છે.  જો કે, જો બાળક કંઈક અણધાર્યું કરે છે, તો માતાપિતાને મોટું નુકસાન થઈ શકે છે. આવું જ કંઈક પડોશી દેશ ચીનના એક પરિવારમાં થયું.

તમે કેજી અને નર્સરીના બાળકો પાસેથી ભેટ તરીકે પેન્સિલ અને ચોકલેટની અપેક્ષા રાખી શકો છો. વધુમાં વધુ તે પોતાનું એક મોંઘું રમકડું કોઈને આપી શકે છે. જો કે, કાંડીના એક ભૂલકાએ ઘરની મિલકત તેના ક્લાસમેટને ભેટમાં આપી. આ પાછળનું કારણ સાંભળીને તમે હસવાનું રોકી શકશો નહીં.

 રિપોર્ટ અનુસાર આ મામલો ચીનના સિચુઆન પ્રાંતનો છે. અહીં, બાલમંદિરમાં ભણતા બાળકને તેની એક સહપાઠી એટલી ગમી ગઈ કે તેને તેની સાથે લાંબુ ભવિષ્ય જોવાનું શરૂ કરી દીધું. જો કે બાળકોની ઉંમર લગભગ ૪-૫ વર્ષની હશે, પરંતુ તેની સચ્ચાઇ સાબિત કરવા માટે, છોકરાએ ઘરેથી  lસોનાના બિસ્કિટ ચોરી લીધા અને છોકરીને ભેટમાં આપ્યા. જ્યારે બાળકી તેને લઈને ઘરે પહોંચી અને તેના માતા-પિતાને આ બતાવ્યા તો તેઓ સ્તબ્ધ થઈ ગયા.

સારું થયું કે બાળકીના માતા-પિતાએ છોકરાના માતા-પિતાનો સંપર્ક કર્યો અને તેમને આખી વાત કહી. છોકરાના માતા-પિતાનું કહેવું છે કે તેઓએ તેમના પુત્રને કહ્યું હતું કે સોનાની લગડીઓ તેની ભાવિ પત્ની માટે રાખવામાં આવી છે. જો કે, તેમને બિલકુલ અપેક્ષા નહોતી કે બાળક તેમને જાણ કર્યા વિના કોઈ છોકરીને આપી દેશે. આ ઘટના સોશિયલ મીડિયા પર ખૂબ જ વાયરલ થઈ રહી છે