સુપ્રીમ કોર્ટે કહ્યું છે કે સિનેમા હોલ અને મલ્ટીપ્લેક્સમાં બહારથી ખાદ્યપદાર્થો લાવવા પર પ્રતિબંધ લગાવવો યોગ્ય છે. આ સિનેમા હોલ માલિકોના વ્યવસાયિક અધિકારોના દાયરામાં આવે છે. તેમની પાસેથી આ અધિકાર છીનવી શકાય નહીં. સુપ્રીમ કોર્ટે એમ પણ કહ્યું કે હોલ પરિસરમાં જે મળે છે તે ખાવા માટે કોઈને ફરજ પાડવામાં આવતી નથી.

જમ્મુ-કાશ્મીરના સિનેમા હોલ અને મલ્ટીપ્લેક્સ માલિકોની અરજી પર સુનાવણી કરતી વખતે સુપ્રીમ કોર્ટે આ વાત કહી છે. આ અરજીકર્તાઓએ 2018માં હાઈકોર્ટના નિર્ણયને પડકાર્યો હતો. ત્યારે હાઈકોર્ટે આદેશ આપ્યો હતો કે સિનેમા હોલમાં આવતા લોકો બહારથી ખાવાની વસ્તુઓ લાવી શકે છે. આજે સુપ્રીમ કોર્ટે હાઈકોર્ટના તે નિર્ણયને રદ કર્યો છે.