લોંગયુ કાઉન્ટી, ઝેજિયાંગ પ્રાંત, ચીનમાં ૨૪ માનવસર્જિત સેન્ડસ્ટોન ગુફાઓ છે, જે એટલી સારી રીતે સચવાયેલી છે કે જાણે તાજેતરમાં જ બનાવવામાં આવી હોય. આ ગુફાઓ માનવ ઇતિહાસની કેટલીક અદભૂત ભૂગર્ભ રચનાઓ છે, જેનું રહસ્ય ઓછામાં ઓછું ૨૦૦૦ વર્ષ જૂનું છે, જેનું રહસ્ય નિષ્ણાતો પણ આજ સુધી ઉકેલી શક્યા નથી.

 રિપોર્ટ અનુસાર, આ ગુફાઓ ૧૯૯૨માં મળી આવી હતી. લોંગયુ કાઉન્ટીમાં તળાવમાંથી પાણી કાઢતી વખતે, સ્થાનિક ખેડૂતોએ ભૂગર્ભ માળખાં જોયાં. જ્યારે અહીં ખોદકામ કરવામાં આવ્યું ત્યારે કુલ ૨૪ ગુફાઓ મળી આવી હતી, જે હવે લોંગયુ ગુફાઓ અથવા ઝેજિયાંગ સ્ટોન ચેમ્બર તરીકે ઓળખાય છે.

આ પ્રાચીન ગુફાઓનું કદ આશ્ચર્યજનક છે, દરેક ગુફામાં સરેરાશ ફ્લોર એરિયા ૧૦૦૦ ચોરસ મીટર છે અને છતની ઊંચાઈ ૩૦ મીટર સુધી પહોંચે છે. તમામ ગુફાઓનો કુલ વિસ્તાર ૩૦,૦૦૦ ચોરસ મીટરથી વધુ છે. ગુફાઓ કુદરતી નથી, કારણ કે તેમની દિવાલો પર છીણીના નિશાન સ્પષ્ટપણે જોઈ શકાય છે.

જાણીને આશ્ચર્ય થશે કે દિવાલો પર છીણી પણ એવી રીતે કરવામાં આવી હતી કે સમાંતર ગ્રુવ્સની સમાન પેટર્ન છોડી શકાય. આ નિશાનો નજીકના મ્યુઝિયમમાં રાખવામાં આવેલા માટીના વાસણો પર મળેલા નિશાનો જેવા જ છે, જે ૫૦૦ અને ૮૦૦ બીસી વચ્ચેના છે. સીડીઓ, થાંભલાઓ, ઉત્કૃષ્ટ રીતે કોતરેલી આકૃતિઓ પણ આ ગુફામાં છે.

કેટલાક અનુમાન મુજબ ગુફાઓ ૨૦૦૦ વર્ષ પહેલાં બનાવવામાં આવી હતી, આશરે અંદાજ સૂચવે છે કે ગુફાઓ બનાવવા માટે આશરે ૧૦ લાખ ઘન મીટર ખડક દૂર કરવામાં આવ્યા હતો. જો કે આટલા મોટા પ્રોજેક્ટનો કોઈ ઐતિહાસિક રેકોર્ડ નથી. તેમને કોણે, ક્યારે અને શા માટે બનાવ્યા? આ પ્રશ્નો રહસ્ય રહ્યા છે, તેથી તે વિશ્વની સૌથી રસપ્રદ પુરાતત્વીય કોયડાઓમાંની એક છે.