અમદાવાદમાં સસ્પેન્ડ પોલીસ કોન્સ્ટેબલે ક્રાઈમ બ્રાન્ચના નામે 50 લાખનો તોડ કર્યાની ફરિયાદ નોંધાઈ છે. સસ્પેન્ડ અને રીઢો પોલીસ કોન્સ્ટેબલ આકાશ પટેલે ક્રાઈમ બ્રાન્ચના નામે રૂપિયા 50 લાખનો તોડ કર્યો હોવાની વાત સામે આવી છે, પહેલા 5 કરોડ માગ્યા હતા. જોકે અંતે 50 લાખ નક્કી થયા અને આકાશ અને તેના સાગરિતો રૂપિયા લઈને ફરાર થઈ ગયા છે.

લાયસન્સ વિના ફોરેન કરન્સી એક્સચેન્જનો તોડ કરતા
અમદાવાદ ક્રાઈમ બ્રાન્ચના નામે લાયસન્સ વિના ફોરેન કરન્સી એકસચેન્જનો આ લોકો ભેગા મળીને તોડ કરતા હતા. સાથે સાથે આકાશ પટેલે સામે અગાઉ પણ ઘણી ફરિયાદ નોંધાઈ છે. 5 કરોડની માગ કરીને 50 લાખ રૂપિયા પડાવવામાં આવ્યા છે. આકાશે ફરિયાદીને કહ્યું કે જો ગુનો નોંધવામાં આવશે તો 15 વર્ષની જેલ થશે એના કરતા રૂપિયા આપી દો એમ કહીને તોડ કર્યો છે. જેમાં આકાશ પટેલ અને તેના સાગરિતો ફસાઈ ગયા છે.

ફરિયાદીએ CCTVના આધારે તપાસ બાદ કરી ફરિયાદ 
આ સમગ્ર ઘટનામાં અમદાવાદ ક્રાઈમ બ્રાન્ચે ફરિયાદ નોંધી છે અને આકાશ અને તેના સાગરિતો વિરુદ્ધ ફરિયાદ પણ નોંધી છે. આકાશ પટેલ પહેલા પાલડી પોલીસ સ્ટેશનમાં હતો તે સમયે પણ લોકો પાસેથી તોડ કરતો હતો અને વિવાદમાં રહેતો હતો, પાલડીથી બદલી થઈને આકાશ અન્ય પોલીસ સ્ટેશનમાં ગયો તો ત્યાં પણ તે સુધર્યો નહી અને લોકોને છેતરતો રહ્યો. અમદાવાદમાં કાર કૌંભાડમાં આકાશનું નામ સામે આવ્યું અને તેની સામે ગુનો નોંધાતા હાલમાં તે સસ્પેન્ડ છે અને તેની સામે ખાતાકીય કાર્યવાહી પણ ચાલી રહી છે.

મિહીર પરીખે નોંધાવ્યો ગુનો
મિહીર પરીખ નામના વ્યકિતએ ક્રાઈમ બ્રાન્ચમાં ગુનો નોંધાવ્યો છે અને આરોપીઓ હાલ ફરાર છે, ત્યારે પોલીસની તપાસમાં શું ખુલાસો થાય છે તે જોવાનું રહ્યું. આકાશ પટેલે અગાઉ પણ ઘણા તોડ કર્યા છે અને તે પોલીસની નોકરીને લાયક પણ નથી ત્યારે પોલીસ આવા બેફામ આરોપીઓનું સરઘસ કાઢી કાયદાનો પાઠ ભણાવે તે જરૂરી બન્યું છે.