હાવડા અને ન્યૂ જલપાઈગુડીને જોડતી “વંદે ભારત એક્સપ્રેસ” ટ્રેનને લીલી ઝંડી આપ્યાના ગણતરીના દિવસો માજ જ તેના પર પશ્ચિમ બંગાળના માલદા જિલ્લામાં પથ્થરમારો કરવામાં આવ્યો છે. ભાજપ દ્વારા આ સમગ્ર કેસની તપાસ NIA કરે, તેવી માંગ કરવામાં આવી છે.
​​​​​​​

રેલવેના જણાવ્યા મુજબ, આ ઘટનામાં કોઈ જાનહાનિ નથી થઈ. માલદા શહેરથી લગભગ 50 કિલોમીટર દૂર કુમારગંજ રેલવે સ્ટેશન નજીક ટ્રેન પર પથ્થરમારો કરવામાં આવ્યો. આ ઘટનામાં 22303 વંદેભારત એક્સપ્રેસ ટ્રેનના કોચની સંખ્યા સી-13ના કાચ તૂટી ગયા છે.

આ ઘટના સોમવારે સાંજે લગભગ 5:10ની આસપાસ ઘટી હતી, જો કે ટ્રેનને વચ્ચે રોકવામાં આવી નહતી. ટ્રેન માલદા ટાઉન રેલવે સ્ટેશન પર પોતાના નિર્ધારિત સમયે જ રોકવામાં આવી હતી. હાલ રેલવે પોલીસ સમગ્ર કેસની તપાસ કરી રહી છે.