દેશનું બજેટ સપ્તાહ આજથી શરૂ

ત્રણ દિવસના ગેપ બાદ શેર માર્કેટ ગ્રીન ઝોનમાં ખુલ્યું

ઓપનિંગમાં જ ૧૪૦૦ શેર ઉછાળા સાથે ખુલ્યા

ત્રણ દિવસના બંધ રહ્યા બાદ આજે શેરબજાર સપ્તાહના પ્રથમ દિવસે જ ગ્રીન ઝોનમાં ખુલ્યું છે. બીએસઇ પર સેન્સેક્સ ૩૯૧ પોઈન્ટના ઉછાળા સાથે ૭૧,૧૪૫ પર ખુલ્યો હતો. અને એનએસઇ પર નિફ્ટી ૦.૫૮%ના વધારા સાથે ૨૧,૪૭૬ પર ખુલ્યો હતો. આજના ટ્રેડિંગ દરમિયાન યસ બેંક, ડીએલએફ અને વેદાંત ફોકસમાં રહેશે. આજે શેરબજારની શરૂઆત જબરદસ્ત મોમેન્ટમ સાથે થઈ છે અને ઓપનિંગમાં જ ૧૪૦૦ શેર ઉછાળા સાથે ખુલ્યા છે. નિફ્ટી અને સેન્સેક્સે ઓપનિંગ સમયે જંગી વધારો દર્શાવ્યો છે. બેન્ક નિફ્ટીમાં હાઇ સ્પીડ સાથે ટ્રેડિંગ શરૂ થયું છે. દેશનું બજેટ સપ્તાહ આજથી શરૂ થઈ ગયું છે અને સંસદનું બજેટ સત્ર ૩૧ જાન્યુઆરીથી શરૂ થશે અને દેશનું બજેટ ૧ ફેબ્રુઆરી, ૨૦૨૪ના રોજ રજૂ કરવામાં આવશે. 

નિફ્ટીએ ફરી એકવાર ૨૧,૫૦૦ની સપાટી વટાવી છે. સવારે ૯.૩૦ કલાકે સેન્સેક્સ ૧૮૦.૯૫ પોઈન્ટ અથવા ૦.૮૫%ના ઉછાળા સાથે ૨૧,૫૩૩ ના સ્તર પર ટ્રેડ કરી રહ્યો હતો. સેન્સેક્સ ૫૫૨.૮૦ પોઈન્ટ અથવા ૦.૭૮%ના વધારા સાથે ૭૧,૨૫૩ પર પહોંચી ગયો છે. નિફ્ટીના ૫૦ શેરોમાંથી ૪૦ શેરોમાં ઉછાળો જોવા મળી રહ્યો છે અને ૧૦ શેરોમાં ઘટાડો જોવા મળી રહ્યો છે. નિફ્ટીના ટોપ ગેનર્સમાં અદાણી એન્ટરપ્રાઇઝ ૫.૯% અને ઓએનજીસી ૪.૧૭% હાઇ છે. અદાણી પોર્ટ્સ ૩.૭૪% અને સન ફાર્મા ૩.૫% વધ્યો છે. એસબીઆઇ લાઇફ પણ ૨.૪૪% વધ્યો છે.

બીએસઇ સેન્સેક્સના ૩૦ માંથી ૨૫ શેરોમાં વધારો જોવા મળી રહ્યો છે અને માત્ર ૫ શેરો એવા છે જે ઘટી રહેલી રેન્જમાં ટ્રેડ થઈ રહ્યા છે. વધતા શેરોમાં સન ફાર્મા ૨.૫૫% વધીને ટોપ ગેઇનર રહ્યો હતો. એનટીપીસીમાં ૧.૭૨% અને પાવર ગ્રીડમાં ૧.૬૩%નો વધારો થયો છે. કોટક મહિન્દ્રા બેન્ક ૧.૫૯% અને એક્સિસ બેન્કમાં પણ ૧.૫૨% સાથે ટ્રેડ થઇ રહ્યા છે.

બીએસઈનો સેન્સેક્સ ૨૬૭.૪૩ પોઈન્ટ અથવા ૦.૩૮%ના વધારા સાથે ૭૦,૯૬૮ના સ્તરે ખુલ્યો છે અને એનએસઈનો નિફ્ટી ૮૦.૫૦ પોઈન્ટ અથવા ૦.૩૮%ના વધારા સાથે ૨૧,૪૩૩ના સ્તરે ખુલ્યો છે. આજે બીએસઇ સેન્સેક્સ ૧૨૨.૮૪ પોઈન્ટ અથવા ૦.૧૭%ના વધારા સાથે ૭૦,૮૨૩ ના સ્તર પર આગળ વધી રહ્યો હતો. પ્રી-ઓપનિંગમાં એનએસઇ નિફ્ટી ૪૫.૯૦ પોઈન્ટ અથવા ૦.૨૧% વધીને ૨૧,૩૯૮ના સ્તર પર હતો.