જામનગર જિલ્લામાં 'સ્વચ્છતા સપ્તાહ' અંતર્ગત ગટર અને ડ્રેઇન ટ્રીટમેન્ટ સિસ્ટમની સફાઈ માટે વિશેષ ડ્રાઈવ યોજાઈ

June 13, 2026 10:22 AM

જામનગર જિલ્લામાં 'સ્વચ્છતા સપ્તાહ' અંતર્ગત ગટર અને ડ્રેઇન ટ્રીટમેન્ટ સિસ્ટમની સફાઈ માટે વિશેષ ડ્રાઈવ યોજાઈ

જિલ્લાના તમામ ૬ તાલુકાઓમાં એક જ દિવસમાં ૬૪ બંધ ગટરોની સફાઈ કરાઈ: ૮૨૫થી વધુ નાગરિકો અને કર્મયોગીઓએ શ્રમદાન આપ્યું.

ગુજરાત રાજ્યભરમાં હાલ ચાલી રહેલા 'સ્વચ્છતા સપ્તાહ અભિયાન' અંતર્ગત જામનગર જિલ્લામાં વહીવટી તંત્ર અને સ્થાનિક નગરજનોના સંયુક્ત સહયોગથી વ્યાપક સ્તરે સફાઈ ઝુંબેશ હાથ ધરવામાં આવી છે. આગામી ચોમાસાની ઋતુને ધ્યાને રાખીને, તારીખ ૧૧/૦૬/૨૦૨૬ ને ગુરૂવારના રોજ જિલ્લામાં વિશેષ રૂપે "ડ્રેઇન અને ડ્રેઇન ટ્રીટમેન્ટ સિસ્ટમની સફાઈ" માટે એક ખાસ ડ્રાઈવનું આયોજન કરવામાં આવ્યું હતું.

આ સઘન ઝુંબેશ અંતર્ગત જામનગર જિલ્લાના જુદા જુદા વિસ્તારોમાં આવેલી તમામ ખુલ્લી, બંધ તેમજ વરસાદી પાણી વહી જતી નાની-મોટી ગટરોની સંપૂર્ણ સાફ-સફાઈ કરાવવામાં આવી હતી. સફાઈ કામગીરીની સાથે-સાથે ગટરોમાંથી એકત્ર થયેલા તમામ કચરા અને કાદવ-કીચડને યોગ્ય તેમજ નિયત જગ્યાએ ત્વરિત નિકાલ અર્થે ભેગો કરવાની કામગીરી પણ સુનિશ્ચિત કરવામાં આવી હતી, જેથી કરીને કચરો ફરીથી માર્ગો પર ન ફેલાય.

આ સફાઈ કાર્યમાં જિલ્લાના તમામ છ તાલુકાઓના વહીવટી અધિકારીઓ, કર્મચારીઓ અને સફાઈ કામદારોએ સ્થાનિક રહિશો સાથે મળીને પ્રશંસનીય કામગીરી કરી છે. તાલુકાવાર વિગતો પર નજર કરીએ તો, જામનગર તાલુકામાં કુલ ૧૨ બંધ ગટરોની સફાઈ કરવામાં આવી હતી, જેમાં ૧૫૨ જેટલા લોકો સક્રિય રીતે જોડાયા હતા. જ્યારે જામજોધપુર તાલુકાના ગ્રામ્ય અને શહેરી વિસ્તારોમાં પણ ૧૨ બંધ ગટરોની સફાઈ પૂર્ણ કરાઈ હતી અને તેમાં ૧૫૨ લોકો સહભાગી બન્યા હતા.

આ ઉપરાંત, ધ્રોલ તાલુકામાં જિલ્લા મથક આસપાસના વિસ્તારોમાં ૧૦૯ લોકોના સહયોગથી ૦૮ બંધ ગટરો સાફ કરવામાં આવી હતી. જોડિયા તાલુકામાં પણ વેગવંતી કામગીરી કરીને ૧૦૨ લોકોના શ્રમદાનથી ૦૯ બંધ ગટરોનો કચરો સાફ કરાયો હતો. કાલાવાડ તાલુકામાં ૦૯ બંધ ગટરોની સફાઈ સાથે ૧૦૫ લોકો આ ઝુંબેશનો હિસ્સો બન્યા હતા, જ્યારે લાલપુર તાલુકાના ગ્રામ્ય અને કચેરી વિસ્તારોમાં ૧૩૪ લોકોની મદદથી ૦૮ બંધ ગટરોની સફાઈ પ્રક્રિયા સફળતાપૂર્વક પૂર્ણ કરવામાં આવી હતી.

આમ, સ્વચ્છતા સપ્તાહના આ ચોથા ચરણમાં જામનગર જિલ્લામાં કુલ ૬૪ જેટલી બંધ ગટરોને પુનઃ કાર્યરત કરવામાં આવી છે. આ સમગ્ર સફાઈ મહાઅભિયાનમાં જિલ્લાના કુલ ૮૨૫ જેટલા જાગૃત નાગરિકો અને કર્મયોગીઓએ ઉમળકાભેર જોડાઈને પોતાનું અમૂલ્ય શ્રમદાન આપ્યું છે. જામનગર જિલ્લા વહીવટી તંત્ર દ્વારા આગામી દિવસોમાં પણ આ જ પ્રકારે સઘન અને આયોજનબદ્ધ સફાઈ કાર્યક્રમો ચાલુ રાખીને ‘સ્વચ્છતા ત્યાં પ્રભુતા’ના મંત્રને સાચા અર્થમાં ચરિતાર્થ કરવાનો દ્રઢ સંકલ્પ વ્યક્ત કરવામાં આવ્યો છે.

લાઈક અને ફોલો કરો અમારું ફેસબુક પેજ FACEBOOK - AAJKAALDAILY

ફોલો કરો અમારું ઇન્સ્ટાગ્રામ INSTAGRAM - AAJKAALDAILY

સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY

મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230

View News On Application

જામનગર જિલ્લામાં 'સ્વચ્છતા સપ્તાહ' અંતર્ગત ગટર અને ડ્રેઇન ટ્રીટમેન્ટ સિસ્ટમની સફાઈ માટે વિશેષ ડ્રાઈવ યોજાઈ

Recent News

Gujarat's No. 1 evening newspaper