મહાત્મા ગાંધી જયંતિ નિમીતે તા.02 ઓક્ટોબરના રોજ જિલ્લાની તમામ ગ્રામ પંચાયતોમાં ખાસ ગ્રામ સભાનું આયોજન

ગ્રામ સભામાં જિલ્લા/તાલુકા કક્ષાના અધિકારીશ્રીઓ ઉપસ્થિત રહી ગ્રામજનોને વિવિધ યોજનાકીય જાણકારી આપી સ્થાનિક પ્રશ્નોનું નિરાકરણ લાવશે
                                                                                                                                                                                                                        જામનગર તા.27 સપ્ટેમ્બર, બીજી ઓક્ટોબર-મહાત્મા ગાંધી જયંતી નિમીતે જામનગર જિલ્લાની તમામ ગ્રામ પંચાયતોમાં એક દિવસની ખાસ ગ્રામ સભાનું જિલ્લા વહિવટી તંત્ર દ્વારા આયોજન કરવામાં આવ્યું છે.જેમાં જિલ્લા/તાલુકા કક્ષાના અધીકારીશ્રીઓની ઉપસ્થિતિમાં મનરેગા યોજના, પ્રધાનમંત્રી આવાસ યોજના, સ્વચ્છ ભારત મિશન, શિક્ષણ, આરોગ્ય અને પરિવાર કલ્યાણ, પોષણ સ્તરની સમિક્ષા, નલ એ જલ વગેરે યોજનાઓથી ગ્રામજનોને માહિતગાર કરાશે તેમજ ગ્રામજનોના સ્થાનીક પ્રશ્નો નિવારવા જરૂરી કાર્યવાહી હાથ ધરાશે.આ ગ્રામસભાનું સુચારૂ આયોજન થાય તે માટે જિલ્લા કલેક્ટરશ્રી તથા જિલ્લા વિકાસ અધિકારીશ્રી દ્વારા તાલુકાવાર વર્ગ-૧ ના ઉચ્ચ અધીકારીશ્રીઓની લાયઝન ઓફિસર તરીકે નિમણૂક કરવા આવેલ છે.