જામનગર જિલ્લા કલેક્ટર ભાવિન પંડ્યાના અધ્યક્ષ સ્થાને રાષ્ટ્રીય માર્ગ સલામતી માસના સુચારૂ આયોજન અંગે બેઠક યોજાઈ

માર્ગ અકસ્માતો ઘટાડવા યુવાઓ તથા વિદ્યાર્થીઓમાં જાગૃતી વધે તે પ્રકારના આયોજનો હાથ ધરવા કલેક્ટરનું સુચન

માર્ગ અકસ્માતો ઘટે તે માટે સરકાર દ્વારા દર વર્ષે રાષ્ટ્રીય માર્ગ સલામતી માસની ઉજવણી કરવામાં આવે છે. જેના ભાગરૂપે ચાલુ વર્ષે પણ જિલ્લા વહિવટી તંત્ર જામનગર દ્વારા તા.૦૧-૦૧-૨૦૨૫ થી તા. ૩૧-૦૧-૨૦૨૫ સુધી રાષ્ટ્રીય માર્ગ સલામતી માસ-૨૦૨૫ નું આયોજન હાથ ધરવામાં આવ્યું છે. જે આયોજનની જામનગર જિલ્લામાં સુચારૂ અમલવારી થાય તે માટે જિલ્લા કલેક્ટર ભાવિન પંડ્યાના અધ્યક્ષ સ્થાને કલેકટર કચેરી ખાતે બેઠકનું આયોજન કરવામાં આવ્યું હતુ.