દિલ્હીની વિવાદોને વરેલી જવાહરલાલ નેહરુ યુનિવર્સિટી (JNU)માં રવિવારે ફરી એકવાર નવો વિવાદ જોવા મળ્યો. અખિલ ભારતીય વિદ્યાર્થી પરિષદ (ABVP)ના સભ્યો અને ડાબેરીઓ વચ્ચે શિવાજી જયંતિ નિમિત્તે JNU વિદ્યાર્થી સંઘની ઓફિસમાં ઘર્ષણ થયું હોવાના સમાચાર છે. ABVPનો આરોપ છે કે ડાબેરી કાર્યકર્તાઓએ શિવાજી મહારાજની તસવીર પરથી માળા કાઢીને નીચે ફેંકી દીધી હતી. બીજી તરફ ડાબેરીઓએ એબીવીપીના કાર્યકરો પર મારપીટનો આરોપ લગાવ્યો છે.

ABVPએ એક નિવેદનમાં કહ્યું કે તેણે છત્રપતિ શિવાજી મહારાજની જન્મજયંતિ નિમિત્તે એક કાર્યક્રમનું આયોજન કર્યું હતું. આ કાર્યક્રમ બાદ તરત જ ડાબેરી વિદ્યાર્થીઓએ ત્યાં આવીને માળા ઉતારી અને શિવાજીની તસવીર નીચે ફેંકી દીધી.

ABVPએ આ ઘટનાની કેટલીક તસવીરો પણ શેર કરી છે, જેમાં તેણે કહ્યું છે કે, 'JNUમાં ડાબેરીઓ દ્વારા વીર શિવાજીની તસવીરને માળા ચઢાવવામાં આવી હતી અને મહાપુરુષની તસવીરો તોડફોડ કરીને ફેંકી દેવામાં આવી હતી. ABVP આની સખત નિંદા કરે છે અને દોષિતો સામે કાર્યવાહીની માંગ કરે છે.'

તો જેએનયુ સ્ટુડન્ટ્સ યુનિયન જેએનયુએસયુએ પણ આ સમગ્ર મામલામાં નિવેદન જારી કરીને કહ્યું કે, 'એબીવીપીએ ફરી એકવાર વિદ્યાર્થીઓ પર હુમલો કર્યો છે. સોલંકીના પિતાના આહ્વાન પર એકતા દર્શાવવા માટે કાઢવામાં આવેલી કેન્ડલ માર્ચ પછી તરત જ આ કરવામાં આવ્યું હતું. જાતિ ભેદભાવ સામેના આંદોલનને પાટા પરથી ઉતારવા માટે ABVPએ ફરી એકવાર આવું કર્યું છે.'

અનુસૂચિત જાતિના 18 વર્ષીય સોલંકીએ 12 ફેબ્રુઆરીએ IIT બોમ્બેના કેમ્પસમાં સ્થિત હોસ્ટેલના સાતમા માળેથી કૂદીને આત્મહત્યા કરી હતી. આ સામેં એકતા દર્શાવવા JNUSUએ કેન્ડલ લાઇટ માર્ચ કાઢી હતી.