સ્પેનના કેથોલિક ચર્ચમાં ચાલી રહેલા ઘૃણાસ્પદ કામનો પર્દાફાશ, સંસદના નીચલા ગૃહના અધ્યક્ષને સોંપવામાં આવ્યો રિપોર્ટ
સ્પેનના રોમન કેથોલિક ચર્ચને લઈને એક ખૂબ જ ગંભીર અને ચોંકાવનારો ઘટસ્ફોટ સામે આવ્યો છે. અહીં બે લાખથી વધુ સગીર કે પુખ્ત વયની છોકરીઓ યૌન શોષણનો શિકાર બની છે. ચર્ચના પાદરીઓએ ૨ લાખ બાળકીઓ પર પોતાની નજર બગાડી છે અને જો ચર્ચના અન્ય સભ્યો દ્વારા કરવામાં આવતા અપરાધોની વાત કરીએ તો ૪ લાખ છોકરીઓ યૌન શોષણનો ભોગ બને છે.
એક સ્વતંત્ર આયોગે લોકો સાથે વાત કરી અને ૦.૬ ટકા લોકોએ સ્વીકાર્યું કે તેઓનું જાતીય શોષણ થયું હતું. સ્પેનની વસ્તી ૩૯ મિલિયન છે અને તેમાંથી ૦.૬ ટકા બે લાખની વસ્તી બરાબર છે. ઘણા લોકોએ કહ્યું કે જ્યારે તેઓ બાળપણમાં ચર્ચમાં ગયા હતા, ત્યારે પાદરીઓએ તેમનું શોષણ કર્યું હતું. પાદરીઓ ઉપરાંત, ઘણા લોકોએ ચર્ચના અન્ય સભ્યો પર પણ ગંભીર આરોપો લગાવ્યા હતા. જો સામાન્ય સભ્યો દ્વારા આચરવામાં આવેલા ગુનાઓને સાથે ગણવામાં આવે તો ૧.૧૩ ટકા એટલે કે ચાર લાખ યુવતીઓ આ ઉત્પીડનનો ભોગ બની છે. સ્પેનના રાષ્ટ્રીય લોકપાલ એન્જલ ગેબિલોન્ડોએ પોતાના રિપોર્ટમાં જણાવ્યું કે આ આંકડા ૧૯૪૦થી લઈને અત્યાર સુધીના છે.
સ્પેનને પરંપરાગત રીતે કેથોલિક દેશ માનવામાં આવતો હતો પરંતુ હવે તે બિનસાંપ્રદાયિક દેશ બની ગયો છે. રિપોર્ટમાં પીડિતોને વળતર આપવા માટે રાષ્ટ્રીય ફંડ બનાવવાની અપીલ કરવામાં આવી છે. આ રિપોર્ટ સ્પેનની સંસદમાં રજૂ કરવામાં આવ્યો છે. હકીકતમાં, માર્ચ ૨૦૨૨ માં, સ્પેનિશ સંસદે ચર્ચ વિરુદ્ધ જાતીય શોષણના આરોપોની તપાસ માટે એક સમિતિની રચના કરી હતી.
સ્પેનિશ ચર્ચે ૨૦૨૦માં અહેવાલ આપ્યો હતો કે કેટલીક ફરિયાદોના આધારે તપાસમાં જાતીય શોષણના ૯૨૭ કેસ બહાર આવ્યા છે. ચર્ચની દલીલ છે કે તેણે જાતીય દુર્વ્યવહારનો સામનો કરવા માટે પ્રોટોકોલ લાગુ કર્યા છે અને વિસ્તારમાં "બાળ સંરક્ષણ" કચેરીઓ સ્થાપિત કરી છે. ૨૦૧૮ માં, સ્પેનિશ અખબારએ પણ એક તપાસ હાથ ધરી હતી જેમાં ૧૯૨૭ ના ૨૨૦૬ કેસોનો પર્દાફાશ થયો હતો, જેમાં ૧૦૩૬ આરોપીઓની ઓળખ કરવામાં આવી હતી.
અમેરિકા, ફ્રાન્સ અને ઑસ્ટ્રેલિયામાં પણ ચર્ચ સામે થયા આક્ષેપ
૨૦૦૨માં જાતીય શોષણના તાજેતરના કેટલાક કિસ્સાઓ પ્રકાશમાં આવ્યા પછી, કેસોની તપાસ માટે એક પહેલ કરવામાં આવી હતી. અમેરિકા, યુરોપ, ચિલી અને ઓસ્ટ્રેલિયામાં પણ કેથોલિક ચર્ચમાંથી આવા કિસ્સા પ્રકાશમાં આવ્યા છે, જેના કારણે ચર્ચની નૈતિક સત્તાને ઘણું નુકસાન થયું છે અને તેની છબી પણ ખરડાઈ છે. ફ્રાન્સમાં, એક સ્વતંત્ર કમિશને ૨૦૨૧માં અહેવાલ આપ્યો હતો કે ૨૧૬૦૦૦ બાળકો, મોટાભાગે છોકરાઓનું, ૧૯૫૦ થી પાદરીઓ દ્વારા જાતીય શોષણ કરવામાં આવ્યું હતું. જર્મનીમાં, એક અભ્યાસમાં ૧૯૪૬ અને ૨૦૧૪ વચ્ચે દુરુપયોગના ૩,૬૭૭ કેસોની ઓળખ કરવામાં આવી હતી.
લાઈક અને ફોલો કરો અમારું ફેસબુક પેજ FACEBOOK - AAJKAALDAILY
ફોલો કરો અમારું ઇન્સ્ટાગ્રામ INSTAGRAM - AAJKAALDAILY
સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY
મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230
View News On Applicationજામનગર : મસાલા પાપડમાં ઈયળ નીકળવા મામલે JMC ફૂડ શાખાના અધિકારીએ આપી પ્રતિક્રિયા....
July 08, 2024 06:32 PMજામનગરના ઉમિયા નગરમાં ધોડાએ નિવૃત્ત શિક્ષકને અડફેટે લીધા...
July 08, 2024 06:21 PMકેરાટિન કે સ્મૂથનિંગ, તમારા વાળ માટે ક્યું છે શ્રેષ્ઠ?
July 08, 2024 06:19 PMજામનગરમાં વોર્ડ નબર 3ના કોર્પોરેટર દ્વારા સરસ્વતી સન્માન સમારોહનું આયોજન કરવામાં આવ્યું
July 08, 2024 06:14 PMજય શાહની BCCIમાંથી ICCમાં જવાની અટકળો, જાણો ક્યારે થશે અધ્યક્ષ પદ માટે ચૂંટણી?
July 08, 2024 06:05 PMCopyright © 2023-2024 Aajkaal Daily
Developed by Rhythm Infotech