ગુપ્તચર એજન્સી આઈએસઆઈ સાથે સંબંધો હોવાની શંકા વધુ મજબૂત બની

પોતાના પ્રેમમાં પામવા માટે ચાર બાળકો સાથે પાકિસ્તાનથી ભારતમાં આવેલી સીમા હૈદર ભારતમાં નેપાળના રસ્તે દાખલ થઈ અને ઝડપાઈ ગઈ ત્યારથી લવ સ્ટોરી માટે બોર્ડર ક્રોસ કરવાની સ્ટોરી સિક્યુરિટી એજન્સીઓને પણ ગળે ઉતરી રહી નથી. એજન્સીઓને શંકા છે કે, આ એક પાકિસ્તાનની કોઈ ચાલ પણ હોઈ શકે છે. બીજી તરફ, સીમા હૈદરના પતિ ગુલામ હૈદરે પણ કેટલાંક ચોંકાવનારા ધડાકા કર્યા છે. ગુલામ હૈદરે દાવો કર્યો છે કે, સીમાના પાકિસ્તાન આર્મી સાથે પર્સનલ સંબંધ છે. આ દાવાને પહેલાં સીમા હૈદરે નકાર્યા હતા. પાકિસ્તાની સીમા હૈદરનો ભાઈ તાજેતરમાં જ પાકિસ્તાન આર્મીમાં જોડાયો છે. બીજી તરફ, તેના કાકા પણ ફોર્સમાં ઉંચા પદ પર છે.

આર્મી-ISI સાથે સંબંધ?

એટલે આ તથ્ય હવે સીમા હૈદરના પાકિસ્તાની આર્મી સાથે સંબંધો અને ત્યાંની ગુપ્તચર એજન્સી આઈએસઆઈ સાથે સંબંધો હોવાની શંકા વધુ મજબૂત બનાવી રહ્યા છે. આ નવી માહિતી બહાર આવ્યા બાદ હવે સીમા હૈદર વિરુદ્ધ યુપી એટીએસ અને ઈન્ટેલિજન્સ એજન્સીઓને કેસ મજબૂત થવાની આશા છે. આ સિવાય જ્યારે સીમા હૈદર નેપાળ થઈને ભારતમાં દાખલ થઈ ત્યારે તેની સાથે પાકિસ્તાનનું આઈડી કાર્ડ પણ હતું. ત્યારે આ પણ એક ચિંતાનો વિષય બન્યો છે. સીમાનું જે આઈડી કાર્ડ હતું તે વર્ષ 2022માં ઈશ્યૂ કરવામાં આવ્યું હતું. ખરેખરમાં જન્મના સમયે આપવામાં આવેલું કાર્ડ પ્રમાણભૂત હોય છે.

આઈકાર્ડનું પણ રહસ્ય?

જેથી એવી પણ આશંકા ઊભી થાય છે કે, સીમા પાસે પાકિસ્તાનનું ઓળખપત્ર હતું તે ફેક છે. બની શકે છે કે તેનો ઉપયોગ ભારતમાં ગેરકાયદે રીતે પ્રવેશ કરવા માટે કરવામાં આવ્યો હોઈ શકે છે. ત્યારે હવે એજન્સીઓ સીમા અને તેના ચારેય બાળકોના આઈકાર્ડ અને દસ્તાવેજોની તપાસ કરી રહી છે. મહત્વનું છે કે, સીમા હૈદર અને સચિનનો સંપર્ક ઓનલાઈન પબજી ગેમ રમતા રમતા થઈ હતી. એ પછી બંને પ્રેમમાં પડ્યા હતા. એ પછી સીમાએ ભારતમાં ગેરકાયદે રીતે દાખલ થવાનું નક્કી કર્યુ હતુ. સચિન અને તેના પરિવારની મદદથી તેણે તેની સાથે લગ્ન પણ કરી લીધા હતા.