જામનગરની સજુબા સ્કુલના પટાંગણમાં આવેલી દરગાહ ડીમોલીશન પ્રકરણ હાઇકોર્ટમાં પહોચ્યું છે, હાઇકોર્ટ દ્વારા સરકાર અને અધિકારીઓ સામે નોટીસ ઇસ્યુ કરી હાજર થવા હુકમ કરાયો છે. 

જામનગર શહેરમાં રાજાશાહીના સમયની સજુબા ગર્લ્સ સ્કુલના કમ્પાઉન્ડમાં આવેલ "જીન્નત બીબી માં નાગાણી ની દરગાહનું તા. ૩-૯-૨૦૨૩ના રોજ મોડી રાત્રીના સમયે કોઇપણ પ્રકારની કાયદાકીય કાર્યવાહી કર્યા વિના ડીમોલીશન કરી નાખવામાં આવેલ હતું.

જેથી જામનગરની વજીર ચકલા સિપાઇ જમાતના પ્રમુખ હુશેનભાઇ શેખ તેમજ નાગાણી પરિવારના અલ્તાફબાપુ નાગાણી દ્વારા ગુજરાત હાઇકોર્ટમાં દાખલ કરેલ સ્પેશીયલ સીવીલ એપ્લીકેશનના કામે ગુજરાત હાઇકોર્ટ દ્વારા સ્ટેટ ઓફ ગુજરાત તથા જીલ્લા શિક્ષણાધિકારી જામનગર, જિલ્લા કલેકટર જામનગર, પ્રાંત અધિકારી અને ડેપ્યુટી કલેકટર જામનગર, સીટી સર્વે અધિકારી જામનગર તથા પ્રિન્સીપાલ સજુબા હાઇસ્કુલ, ગુજરાત રાજય વકફ બોર્ડ, ગાંધીનગર વિગેરે સામે ગુજરાત હાઇકોર્ટમાં હાજર થવા નોટીસનો હુકમ તા. ૧૧-૧૦-૨૩ના રોજ ફરમાવેલ છે.

આ ચર્ચાસ્પદ કેસમાં વજીર ચકલા સિપાઇ જમાત તથા અલ્તાફબાપુ નાગાણી તરફે અમદાવાદના વકીલ એમ.ટી.એમ. હકીમ તેમજ મકબુલભાઇ મન્સુરી, જામનગરના વકીલ હાજી હસનભાઇ ભંડેરી રોકાયેલા છે.