દેવભૂમિ દ્વારકા જિલ્લામાં આગામી પ્રજાસતાક પર્વની જિલ્લા કક્ષાની ઉજવણી પોલીસ ખંભાળિયામાં ભાણવડ રોડ પર આવેલા પોલીસ પરેડ ગ્રાઉન્ડ ખાતે સવારે નવ વાગ્યે કરવામાં આવશે. આ ઉજવણીના આયોજન અંગે દેવભૂમિ દ્વારકા જિલ્લા વહિવટી તંત્ર દ્વારા ગઈકાલે મંગળવારે એક રીહર્સલનું આયોજન કરવામાં આવ્યું  હતું. આ રીહર્સલ પુર્ણ થયા બાદ જિલ્લા કલેકટર એમ.એ. પંડ્યાએ સાંસ્કૃતિક કાર્યક્રમો, બેઠક વ્યવસ્થા, પાણીની વ્યવસ્થા સહિતની બાબતે અધિકારીઓને જરૂરી સુચનો પણ  કર્યા હતા.

​​​​​​​આ રીહર્સલ કાર્યક્રમમાં જિલ્લા વિકાસ અધિકારી એસ.ડી. ધાનાણી, દેવભૂમિ દ્વારકા જિલ્લા પોલીસ વડા નિતેશ પાંડેય, નિવાસી અધિક કલેકટર ભૂપેશ જોટાણીયા, અહીંના પ્રાંત અધિકારી પાર્થ કોટડિયા સહિત જુદા-જુદા વિભાગના અધિકારીઓ, કર્મચારીઓ તેમજ વિધાર્થીઓ ઉપસ્થિત રહયા હતા.