જામનગર મહાનગરપાલિકાની મિલકત વેરા શાખા દ્વારા બાકી રોકાતો વેરો વસૂલવા માટેની ઝુંબેશ દિન પ્રતિદિન વધુ વેગવંતી બનાવવામાં આવી રહી છે, જેના ભાગરૂપે ગઈકાલે એક જ દિવસમાં વધુ ૭૫ આસામીઓ પાસેથી ૧૫ લાખથી વધુની બાકી વેરાની રકમ સ્થળ પર જ વસૂલ કરી લેવામાં આવી છે, જ્યારે એક મિલકત સીલ કરવામાં આવી છે.


જામનગર મહાનગરપાલિકાની મિલ્કત વેરા શાખા ઘ્વારા ગઈકાલે  વોર્ડ નં  ૨માં ૧૫ આસામીઓ, વોર્ડ નં.૫ માં ૨૨ આસામીઓ વોર્ડ નં.૬ માં બે આસામીઓ, વોર્ડ નં.૭ માં ૫ આસામીઓ, વોર્ડ નં.૮ માં ૩ આસામીઓ,  વોર્ડ નં.૯ માં ૨ આસામીઓ, વોર્ડ નં.૧૦ માં ૫ આસામીઓ, વોર્ડ નં.૧૨ માં ૧ આસામી, વોર્ડ નં.૧૩ માં ૪ આસામીઓ, વોર્ડ નં.૧૪ માં ૩ આસામીઓ, વોર્ડ નં.૧૫ માં ૫ આસામીઓ, વોર્ડ નં.૧૭ માં ૨ આસામીઓ, વોર્ડ નં.૧૮ માં એક આસામી, અને વોર્ડ નં.૧૯ માં ૪ આસામીઓ સહિત કુલ ૭૫ આસામીઓ પાસેથી  રૂ.૧૫,૪૯,૭૮૮ ની વસુલાત કરવામાં આવી છે.


વોર્ડ નં.૭ માં ૧ આસામીએ પોતાનો વેરો ભર્યો ન હોવાથી તેમજ સ્થળ ઉપર પણ વસુલાત થઈ શકે તેમ ન હોવાથી તેની મિલકત પર જામ્યુકોનું સીલ લગાવી દેવામાં આવ્યું છે.
​​​​​​​