રાજકોટ મનપાની નગર પ્રાથમિક શિક્ષણ સમિતિની આજે ચૂંટણી યોજાઈ છે. 8 બેઠક માટે નવ ઉમેદવારોની આજે શિક્ષણ સમિતિની ચૂંટણી છે. 8 બેઠક માટે ભાજપના 8 અને કોંગ્રેસના 1 ઉમેદવારે ફોર્મ ભર્યું છે. ત્રણ દાયકામાં પ્રથમ વખત આ વખતે શિક્ષણ સમિતિની ચૂંટણી યોજાઇ છે. આજે સવારે 11 વાગ્યાથી મતદાન શરૂ થઈ ગયું છે. બપોરે 3 વાગ્યા સુધીમાં ચૂંટણીનું ચિત્ર સ્પષ્ટ થઈ જશે. 

રાજકોટ નગર શિક્ષણ સમિતિની ચૂંટણીમાં આજે ભાજપના આઠ અને કોંગ્રેસના એક ઉમેદવારનું ભાવી નક્કી થશે. ક્રોસ વોટિંગના ભયથી ભાજપ પ્રમુખ દ્વારા તમામ સભ્યોને વ્હીપ જાહેર કર્યા છે. ભાજપના 68 કોર્પોરેટર સહીત 70 મતદારો મતદાન કરશે. આજે મતદાન બાદ પરિણામ જાહેર થશે. ભાજપ શાસિત શિક્ષણ સમિતિમાં ચેરમેન સહીતના રાજીનામાં પડતા આ ચૂંટણી યોજાઈ રહી છે. તમામ બેઠકો પર ભાજપની જ જીત નક્કી છે હોવાનું સ્ટેન્ડિંગ ચેરમેન પુષ્કર પટેલે દાવો કર્યો છે.