રાજકોટ : સર્વેશ્વર ચોક દુર્ઘટના બાદ મનપા જાગી, વોકળાની સફાઈ કરાઈ શરૂ

રાજકોટ શહેરમાં ગત રવિવારે યાજ્ઞિક રોડ પર સર્વેશ્વર ચોકમાં સ્લેબ પડવાની દુર્ઘટનામાં 13 જેટલા લોકોને સારવાર માટે સિવિલ હોસ્પિટલમાં ખસેડાયા હતા અને એક વૃધ્ધાને ખાનગી હોસ્પિટલમાં સારવાર માટે ખસેડાયા હતા. જેમાં મહિલાનું ગત રાતે મોત નીપજ્યું હોવાનું સામે આવ્યું છે. સર્વેશ્વર ચોકમાં બનેલી દુર્ઘટના બાદ હવે મહાનગરપાલિકાનું તંત્ર સફાળું જાગ્યું છે. હવે મનપા દ્વારા વોકળાની સફાઈ શરૂ કરવામાં આવી છે. 1992થી આ વોકળાની સફાઈ થઈ જ નથી. વર્ષો બાદ વોકળાની સફાઈ કરવામાં આવી. જેમાં મોટી માત્રામાં કચરો અને ગારો નીકળ્યો હતો.