જામનગરનાં કેટલાક વિસ્તારોમાં બીજા દિવસે રાત્રે ઝાપટા

June 17, 2026 04:50 PM

↵

વરસાદ મોડો થતા તા.૧૯થી સુકુ રહેવાની હવામાનની આગાહી: ગઇકાલે ખંભાળીયા અને દ્વારકા પંથકમાં કેટલાક ગામોમાં ઝાપટા

અલનીનો પ્રવાહ શરૂ થવાની સાથે જ ચોમાસુ એકાદ અઠવાડિયુ મોડુ થાય તેવી શકયતા છે. ગઇકાલે મોડી રાત્રે સતત બીજા દિવસે વરસાદી ઝાપટા પડયા હતા. દ્વારકા અને ખંભાળીયા પંથકમાં પણ કેટલાક ગામોમાં ઝાપટા પડયા બાદ વાતાવરણમાં ઠંડક જોવા મળી હતી. મુંબઇમાં પણ ચોમાસુ મોડુ થયુ છે, વરસાદ ચાર દિવસમાં ઓરિસ્સા અને બિહાર તરફ આગળ વધશે, એટલે કે કેરલથી કચ્છના દરિયામાં હજુ પણ વાદળો બંધાયા નથી જેને કારણે તા.૧૯થી હવામાન સુકુ રહેવાનીે આગાહી કરી છે.

જામનગરમાં ગઇકાલે મોડી રાત્રે કેટલાક વિસ્તારોમાં ઝાપટા પડયા હતા. તેને કારણે રાજમાર્ગો ભીના થયા હતા, અને વાતાવરણમાં થોડી ઠંડક જોવા મળી હતી. આજ સવારથી વાદળીયુ વાતાવરણ જોવા મળે છે. અને હાલારનાં કેટલાક ગામડાઓમાં પણ વાદળા થયા છે, દ્વારકા અને ખંભાળીયા પંથકમાં કેટલાક ગામડાઓમાં ઝાપટા પડવાથી થોડી ઠંડક થઇ હતી તાપમાન ઘટયુ હતું.

કલેકટર કચેરીના કંટ્રોલરૂમના જણાવ્યા મુજબ મહતમ તાપમાન ૩૭ ડીગ્રી, લઘુતમ તાપમાન ૨૮, હવામાં ભેજ ૭૩, પવનની ગતિ ૩૦ થી ૩૫ પ્રતિકલાક જોવા મળી હતી. વળી પાછુ ચોમાસુ અઠવાડિયુ મોડુ થતા થોડી ચિંતા જન્મી છે. સૌરાષ્ટ્રના ડેમોમાં ૨૯ ટકા અને ગુજરાતના ડેમોમાં ૩૮ ટકા પાણી છે.

જામનગર અને દેવભૂમિ દ્વારકા જિલ્લામાં વાદળા બંધાયા છે. વરસાદ આવે તેવુ વાતાવરણ પણ સર્જાયુ છે. પરંતુ ખાસ કોઇ આગાહી નથી કાલાવડ, લાલપુર, ધ્રોલ, જોડીયા, ખંભાળીયા, ભાણવડ, દ્વારકા, ઓખા, ભાટીયા, રાવલ, જામજોધપુર, કલ્યાણપુર સહિતના ગામોમાં પણ સવારથી વાદળા છવાયા છે. ગઇકાલે ૩૫ થી ૪૦ કિ.મી.ની ઝડપે પવન ફુંકાયો હતો.

લાઈક અને ફોલો કરો અમારું ફેસબુક પેજ FACEBOOK - AAJKAALDAILY

ફોલો કરો અમારું ઇન્સ્ટાગ્રામ INSTAGRAM - AAJKAALDAILY

સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY

મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230

View News On Application

જામનગરનાં કેટલાક વિસ્તારોમાં બીજા દિવસે રાત્રે ઝાપટા

Recent News

Gujarat's No. 1 evening newspaper