પ્રિન્સ વિલિયમ અને પ્રિન્સેસ ઑફ વેલ્સ કેટની યુનાઈટેડ નેટવર્થ 960 મિલિયન યુરો : અહેવાલ 

સસેક્સના ડ્યુક અને ડચેસ પ્રિન્સ હેરી અને મેઘને 2020 માં તેમની શાહી ફરજોમાંથી રાજીનામું આપ્યા પછી લગભગ 48 મિલિયન યુરો (₹498 કરોડથી વધુ) ની યુનાઈટેડ નેટવર્થ એકઠી કરી છે. નોંધપાત્ર હોવા છતાં, તેમની સંપત્તિ બ્રિટિશ શાહી પરિવારના અન્ય સભ્યોની સરખામણીમાં ફિક્કી પડે છે. 

અહેવાલ મુજબ મે 2020 માં, એવું નોંધવામાં આવ્યું હતું કે ડ્યુક અને ડચેસે આગામી 10 વર્ષોમાં ફ્રોગમોર કોટેજ માટે રિનોવેશન કોસ્ટ ચૂકવવાનું આયોજન કર્યું છે. કુલ રિનોવેશન ખર્ચ અંદાજે 2.4 મિલિયન યુરો (લગભગ ₹25 કરોડ) હોવાનો અંદાજ છે, જેનો અર્થ છે કે તેઓ દર મહિને આશરે 18,000 યુરો (₹18.7 લાખ) ચૂકવશે.

આ દંપતીની નેટવર્થ મોટે ભાગે તેમના અલગ અલગ બિઝનેસ માંથી આવે છે, જેમાં નેટફ્લિક્સ અને સ્પોટાઇફ જેવી કંપનીઓ સાથેના આકર્ષક ડીલનો પણ સમાવેશ થાય છે. તેઓ મોન્ટેસિટો, કેલિફોર્નિયામાં 11 મિલિયન યુરો (₹114 કરોડ)ની હવેલીમાં પણ રહે છે, જે તેઓએ યુનાઇટેડ સ્ટેટ્સમાં શિફ્ટ થયા પછી ખરીદ્યું હતું. 
​​​​​​​

તેનાથી વિપરીત, પ્રિન્સ વિલિયમ અને પ્રિન્સેસ ઑફ વેલ્સ કેટની યુનાઈટેડ નેટવર્થ 960 મિલિયન યુરો (₹9,968 કરોડ) છે. અહેવાલ મુજબ, તેમની મોટાભાગની સંપત્તિ ડચી ઓફ કોર્નવોલના વિલિયમના વારસામાંથી, એક વિશાળ રિયલ એસ્ટેટ પોર્ટફોલિયો અને દંપતીની અન્ય સંપત્તિઓમાં આવે છે. શાહી સંપત્તિ રેન્કિંગમાં ટોચ પર કિંગ ચાર્લ્સ 3 છે, જેની કુલ સંપત્તિ આશરે 1.8 બિલિયન યુરો (₹18,690 કરોડ) હોવાનો અંદાજ છે, જે તેમને યુકેની સૌથી ધનાઢ્ય વ્યક્તિઓમાંના એક બનાવે છે. અહેવાલ મુજબ, તેમની પત્ની, ક્વિન કેમિલા, આશરે 7.9 મિલિયન યુરોની કુલ સંપત્તિ ધરાવે છે.

હાઇ નેટવર્થ ધરાવતા અન્ય નોંધપાત્ર રાજવીઓમાં પ્રિન્સેસ એની (₹82 કરોડ) તથા ઝારા અને માઈક ટિંડલ (₹311 કરોડ)નો સમાવેશ થાય છે. સોફી, કાઉન્ટેસ ઓફ વેસેક્સ અને પ્રિન્સ એડવર્ડની સંયુક્ત નેટવર્થ આશરે 42 મિલિયન યુરો (₹436 કરોડ) છે.