મહિલાઓ ઘરથી લઈને બહાર સુધી તેમની ભૂમિકા ખૂબ સારી રીતે નિભાવે છે, પરંતુ જ્યારે તેમના પોતાના સ્વાસ્થ્યની વાત આવે છે, ત્યારે તેઓ મોટે ભાગે ધ્યાન આપતા નથી, પરંતુ જો સમસ્યા વ્યક્તિગત બિમારી સાથે સંબંધિત હોય, તો ડૉક્ટરને બતાવવું વધુ મહત્વપૂર્ણ છે. PCOS એટલે કે પોલિસિસ્ટિક ઓવરી સિન્ડ્રોમની સમસ્યા ઘણીવાર સ્ત્રીઓમાં જોવા મળે છે. આ રોગમાં મહિલાઓના શરીરમાં ઘણા અસામાન્ય ફેરફારો જોવા મળે છે. આ ફેરફારો એવા છે કે મહિલાઓના માનસિક સ્વાસ્થ્ય પર પણ અસર થઈ શકે છે અને તેમને ડિપ્રેશન જેવી સમસ્યા થઈ શકે છે.

હજુ પણ મોટાભાગની મહિલાઓમાં PCOD અને PCOS વિશે જાગૃતિનો અભાવ છે. તેઓ શરીરમાં આ ફેરફારોનું કારણ જાણતા નથી અને સમયસર યોગ્ય સારવારના અભાવે આ રોગ ગંભીર સ્વરૂપ ધારણ કરે છે. એન્ડ્રોજન હોર્મોન્સ સ્ત્રીઓ અને પુરુષો બંનેમાં જોવા મળે છે, પરંતુ આ હોર્મોન્સ પુરુષોમાં વધુ ઉત્પન્ન થાય છે. બીજી તરફ, સ્ત્રીઓમાં થતો રોગ, પોલિસિસ્ટિક ઓવરી સિન્ડ્રોમ અથવા PCOC એ એક પ્રકારનું હોર્મોનલ અસંતુલન છે. પીસીઓએસથી પીડિત મહિલાઓના શરીરમાં પુરૂષ હોર્મોન 'એન્ડ્રોજન' વધે છે અને તેના કારણે અંડાશયમાં ગઠ્ઠો બનવા લાગે છે.

જ્યારે સ્ત્રી પીસીઓએસથી પીડાય છે, ત્યારે હોર્મોનલ અસંતુલનને કારણે ચહેરા પર અનિચ્છનીય વાળ આવવા, વાળ ખરવા, ખીલ, વજન વધવા, પીરીયેડ્સમાં અનિયમિત સમયગાળો અને ગર્ભાવસ્થામાં મુશ્કેલી જેવી સમસ્યાઓ શરૂ થાય છે. ઘણી વખત સમયસર ધ્યાન ન આપવાને કારણે આ સમસ્યા ઘાતક બની શકે છે.
​​​​​​​

વર્લ્ડ હેલ્થ ઓર્ગેનાઈઝેશનના રિપોર્ટ અનુસાર, લાંબા સમયથી PCODથી પીડિત દસ ટકા મહિલાઓમાં ગર્ભાશયનું કેન્સર પણ જોવા મળ્યું હતું. આ મહિલાઓને દસ વર્ષથી વધુ સમયથી અંડાશયમાં ગઠ્ઠાની સમસ્યા હતી, જેની સારવાર કરવામાં આવી ન હતી.

ડોક્ટરના મતે આ જીવનશૈલી સંબંધિત સમસ્યા છે, તેથી તેની સારવાર શક્ય છે. યોગ એક એવું પરિબળ છે જેનાથી આ સમસ્યાનો સામનો કરી શકાય છે. જ્યારે સમસ્યા વધી જાય છે, ત્યારે તેનો ઉપચાર દવાઓ દ્વારા પણ કરવામાં આવે છે. તેથી જ લક્ષણો દેખાય કે તરત જ ડૉક્ટરનો સંપર્ક કરવો જોઈએ.