રાજકોટમાં સતત બીજા દિવસે પીજીવીસીએલના દરોડા યથાવત છે. ગત મહિને સૌરાષ્ટ્ર-કચ્છમાંથી કરોડોની અને રાજકોટમાંથી લાખોની વીજચોરી પકડાયા બાદ ફરી પીજીવીસીએલની કાર્યવાહી હાથ ધરવામાં આવી છે.

રાજકોટ સીટી ડિવિઝન 2 હેઠળ આજે શહેરના વિવિધ વિસ્તારોમાં ચેકીંગ કરવામાં આવી રહ્યું છે. કુલ 33 ટીમ ચેકીંગની કામગીરીમાં મેદાને ઉતરી છે. જેમાં SRPના 13 જવાનો, એક્સ આર્મી મેન 13, વિડિયોગ્રાફર 4 સહિતના જોડાયા છે.

રાજકોટ શહેરમાં આજે સૈનિક સોસાયટી, ઘંટેશ્વર, બજરંગ વાડી, શીતલ પાર્ક, રેસકોર્સ પાર્ક, પોપટપરા સહિતના વિસ્તારમાં ચેકીંગ કરવામાં આવી રહ્યું છે. વહેલી સવારથી પીજીવીસીએલની ટીમ મેદાને ઉતરી છે. વીજચોરી કરનારાઓમાં ભારે ફફડાટ ફેલાયો છે.