રાજકોટ પીજીવીસીએલ દ્વારા આજે ફરી કોર્પોરેટ ડ્રાઇવનું આયોજન કરવામાં આવ્યું છે. આજે રાજકોટ શહેરના સીટી ડિવિઝન 1  હેઠળ પ્રહલાદ પ્લોટ, મિલપરા, કોઠારીયા રોડ સહિતના વિસ્તારમાં ચેકિંગ કરવામાં આવી રહ્યું છે.

વહેલી સવારથી આજે pgvclની કુલ 43 જેટલી ટીમ મેદાને ઉતરી છે. SRPના 13 જવાનો, સ્થાનિક પોલીસ 16, 15 સિક્યુરિટી ગાર્ડ, 4 વિડિયોગ્રાફર સહિતના આ ચેકિંગ ડ્રાઈવમાં જોડાયા છે.

રાજકોટના આ વિસ્તારમાં આજે પીજીવીસીએલનું ચેકિંગ

ગઈકાલે 35 લાખથી વધુની વીજચોરી પકડાયા બાદ આજે ફરી પીજીવીસીએલ દ્વારા ચેકિંગનો ધમધમાટ શરૂ કરાયો છે. ખત્રીવાડ, કેનાલ રોડ, સોની બજાર, લક્ષ્મીવાડી, એકતા કોલોની, જંગલેશ્વર સહિતના વિસ્તારોમાં આજે ચેકિંગ હાથ ધરાયું છે.