રાજકોટના પાડાસણ ગામના પટેલ સમાજના લોકો આજે પોલીસ કમિશનર કચેરી ખાતે પહોંચ્યા હતા. માલધારી સમાજના એક શખ્સ દ્વારા ત્રાસ આપતો હોવાની ફરિયાદ સાથે મોટી સંખ્યામાં પટેલ સમાજના લોકો પોલીસ કમિશનર ઓફિસે પહોંચી રજૂઆત કરી હતી. માલધારી સમાજનો આ શખ્સ ખેડૂતોની વાડીમાં ઢોરને ખુલ્લા છોડી દે છે જેને લઈને પાકને નુકસાની થાય છે. આ સાથે જ જ્યારે આ બાબતે વિરોધ કરતા માલધારી સમાજના આ શખ્સે પટેલ સમાજના વ્યક્તિને માર માર્યો હતો અને પગ ભાંગી નાખ્યાં હતા. ન્યાયની માંગ સાથે આજે પટેલ સમાજના લોકો પોલીસ કમિશનર કચેરી પહોંચી આ શખ્સ વિરુદ્ધ કાર્યવાહી કરવાની માંગ સાથે પહોંચ્યું હતું.