વેરાવળના ભીડિયા વિસ્તારમાં રહેતા ડાલકી પરિવારના બે બાળકોના અગાઉ મૃત્યુ થયેલ હતા, જેમાં ત્રીજી બાળકીને વધુ સારવાર માટે રાજકોટ લઈ ગયેલ ત્યાં સારવાર દરમિયાન તેનું મૃત્યુ નીપજેલ છે. 
જયારે હજુ બે બાળકોના મૃત્યુ થયેલ તેના પીએમ રિપોર્ટ આવેલ નથી.


વેરાવળના ભીડિયા વિસ્તારમાં થોડા દિવસો પહેલા બે બાળકોના કોઈ કારણોસર મૃત્યુ નીપજેલ હતા તે સમયે માતા અને દીકરી શ્રધ્ધા ઉ.વ.૫ને પણ ગંભીર હાલતમાં સારવારમાં ખસેડેલ જયાંથી બાળા શ્રધ્ધાની હાલત વધુ ખરાબ હોવાથી રાજકોટ ખસેડલ ત્યાં તેનું મૃત્યુ નીપજેલ છે.
​​​​​​​
પ્રભાસપાટણ પી.આઈ. મકવાણાએ જણાવેલ કે રાજકોટ ડોકટર સાથે ટેલિફોનિક વાતચીતમાં જણાવેલ કે નિમોનિયા થયેલ હતો અને ફેફસામાં પાણી ભરાઈ ગયેલ હતું જેથી હાર્ટએટેક આવવાથી મૃત્યુ થયેલ છે. જામનગર બે બાળકોના પીએમ માટે તેમને જણાવેલ કે હજુ સુધી કોઈ પણ જાતના રિપોર્ટ આવેલ નથી ત્રણેય માસૂમ બાળકોના મૃત્યુ થતાં ભીડિયા વિસ્તારમાં ભારે અરેરાટી ફેલાય છે.