મુસાફરોની માંગ અને સુવિધાને ધ્યાનમાં રાખીને, પશ્ચિમ રેલવે દ્વારા ઓખા- અમદાવાદ- ઓખા સાપ્તાહિક સ્પેશિયલ ટ્રેનના ફેરા વિશેષ ભાડા સાથે જુલાઈ ઓગસ્ટ અને સપ્ટેમ્બર માસ સુધી લંબાવવામાં આવ્યા છે. રાજકોટ ડિવિઝનના સિનિયર ડીસીએમ સુનિલ કુમાર મીના ના જણાવ્યા અનુસાર, શનિવારે રાત્રે 11:25 વાગ્યે અમદાવાદથી ઉપડતી નંબર 09435 અમદાવાદ - ઓખા સાપ્તાહિક સુપરફાસ્ટ સ્પેશિયલ ટ્રેન 30 સેપ્ટેમ્બર, 2023 સુધી લંબાવવામાં આવી છે.

વળતા રવિવારે રાત્રે 11:45 વાગ્યે ઓખાથી ઉપડતી નંબર 09436 ઓખા- અમદાવાદ સાપ્તાહિક સુપરફાસ્ટ સ્પેશિયલ ટ્રેન 01 ઓક્ટોબર, 2023 સુધી લંબાવવામાં આવી છે. આ ટ્રેનોનો રાજકોટથી ઓખા જવા માટેનો સમય વહેલી સવારે 04:10 વાગ્યે તેમજ રાજકોટથી અમદાવાદ જવા માટેનો સમય વહેલી સવારે ૪ વાગ્યાનો છે.