સૌરાષ્ટ્ર યુનિવર્સિટી અવારનવાર વિવાદોના વાદળોમાં ઘેરાયેલી રહેતી હોય છે. ત્યારે હાલમાં જ ફરી એક પ્રોફેસર અને ગાઈડ સામે યૌન શોષણના લાગેલા આક્ષેપને લઇને શિક્ષણજગતમાં ભારે ચર્ચા ઉઠી છે. પીએચડી કરતી વિદ્યાર્થીનીએ ગાઈડ અને પ્રોફેસર જ્યોતીન્દ્ર જાની પર યૌન શોષણનો આક્ષેપ કર્યો છે. ત્યારે આજે એમ.જે.કુંડલિયા કોલેજ ખાતે ટ્રસ્ટીઓની બેઠક મળી છે ત્યારબાદ સસ્પેન્ડ અંગે નિર્ણય લેવામાં આવશે. એ પહેલા રાજકોટ શહેર NSUI એમ.જે.કુંડલિયા કોલેજ ખાતે પહોંચ્યા હતા અને જાની હાય હાયના નારા લગાવી પ્રોફેસરને સસ્પેન્ડ કરવાની ઉગ્ર માંગ કરી હતી.