દેશના મોટાભાગના રાજ્યોમાં તાપમાન તેની ટોચ પર છે. અસહ્ય ગરમી માત્ર માણસોને જ નહીં પરંતુ ઇલેક્ટ્રોનિક ગેજેટ્સને પણ અસર કરે છે. તાપમાનમાં વધારાને કારણે ક્યારેક સ્માર્ટફોન, રેફ્રિજરેટર અને એર કંડિશનર પણ બ્લાસ્ટ થાય છે. ઉનાળાની ઋતુમાં લેપટોપ યુઝર્સને પણ ઘણી સમસ્યાઓનો સામનો કરવો પડે છે. ઉનાળાની ઋતુમાં માત્ર સ્માર્ટફોન જ નહીં પરંતુ લેપટોપ પણ ઓવરહિટીંગની સમસ્યાનો સામનો કરે છે.

ઉનાળાની ઋતુમાં સ્માર્ટફોન બ્લાસ્ટ થવાના, એસી અને રેફ્રિજરેટરના કોમ્પ્રેસરમાં આગ લાગવાના ઘણા કિસ્સાઓ સામે આવે છે. આવી ઘટનાઓથી નુકસાન ન થાય તે માટે અગાઉથી સાવચેતી રાખવી ખૂબ જ જરૂરી છે. વધતી ગરમી સાથે, જો લેપટોપમાં ઓવરહિટીંગ પણ વધી રહ્યું છે, તો તેને અવગણવું જોઈએ નહીં.

મોંઘા લેપટોપ અને તેમાં રહેલા ડેટાને સુરક્ષિત રાખવા જરૂરી છે. જો લેપટોપ થોડા સમય યુઝ કર્યા પછી ગરમ થવા લાગે છે. જો ઉનાળાના દિવસોમાં તમારું લેપટોપ થોડા જ સમયમાં ગરમ થઈ જાય છે, તો તેનાથી બચવાનો સૌથી સરળ રસ્તો એ છે કે કૂલિંગ પેડનો ઉપયોગ કરવો. જ્યારે તમે કામ કરો છો ત્યારે કૂલિંગ પેડ્સ તમારા લેપટોપને ઠંડુ રાખશે. બજારમાં ઘણા પ્રકારના કૂલિંગ પેડ્સ ઉપલબ્ધ છે. 

ઘણા લોકો તેમના લેપટોપને બેડ પર રાખીને ઉપયોગ કરે છે. લેપટોપને હંમેશા ટેબલની જેમ સાદી સપાટી પર રાખીને તેનો ઉપયોગ કરો. ક્યારેક કલાકો સુધી સતત ઉપયોગને કારણે લેપટોપમાં ગરમી વધવા લાગે છે. જો તમે કોઈ મહત્વપૂર્ણ કામ કરી રહ્યા છો અને શટડાઉન કરી શકતા નથી, તો તમે તેને થોડીવાર માટે સ્લીપ મોડમાં રાખીને તેને ઠંડુ કરી શકો છો.

ઘણી વખત જ્યારે લેપટોપ જૂનું થઈ જાય છે ત્યારે તેના કૂલિંગ ફેનને પણ સમસ્યાનો સામનો કરવો પડે છે. જો તમારું લેપટોપ ઘણું જૂનું છે તો તેને ચેક કરાવો. ઘણી વખત આપને લેપટોપને અન્ય ચાર્જરથી ચાર્જ કરવાનું શરૂ કરીએ છીએ અને તેની ઉપકરણ પર મોટી અસર પડે છે. આ કારણે પણ ઓવરહિટીંગ હીટિંગ થઈ શકે છે.