RJD-JD(U) સરકારના મુખ્યપ્રધાન પદેથી રાજીનામું આપ્યાના ગણતરીના કલાકો પછી, નીતિશ કુમારે 9મી વખત બિહારના મુખ્ય પ્રધાન તરીકે શપથ લીધા છે. જ્યારે નીતિશ કુમારે ભારત માતા કી જય અને જય શ્રી રામના નારાઓ વચ્ચે શપથ લીધા ત્યારે જીતન રામ માંઝી, ચિરાગ પાસવાન, સમ્રાટ ચૌધરી, ભાજપ અધ્યક્ષ જેપી નડ્ડા હાજર હતા. આ ઉપરાંત સમ્રાટ ચૌધરી અને વિજય સિન્હાએ ડેપ્યુટી સીએમ તરીકે શપથ લીધા છે.


નોંધનીય છે કે, છેલ્લી વખત નીતીશ કુમારે 2022માં મુખ્યમંત્રી તરીકે શપથ લીધા હતા, જ્યારે તેમણે NDA સાથેના સંબંધો તોડીને RJD, કોંગ્રેસ અને ડાબેરી ગઠબંધન સાથે જોડાયા હતા અને બિહારમાં મહાગઠબંધનના મુખ્યપ્રધાન બન્યા હતા.