ઉત્તર પ્રદેશની રાજધાની લખનૌની જિલ્લા જેલમાં 36 કેદીઓ એચઆઈવીથી સંક્રમિત મળી આવ્યા બાદ આરોગ્ય વિભાગ અને જેલ પ્રશાસનમાં ખળભળાટ મચી ગયો છે. પોઝિટિવ મળી આવેલા તમામ કેદીઓને તાત્કાલિક સારવાર આપવામાં આવી છે અને તેમને ડૉક્ટરોની દેખરેખ હેઠળ રાખવામાં આવ્યા છે.

એઈડ્સ કંટ્રોલ સોસાયટીના નિર્દેશો પર આરોગ્ય વિભાગે ડિસેમ્બર 2023માં લખનૌ જેલમાં બંધ કેદીઓની એચઆઈવી સ્ક્રીનીંગ હાથ ધરી હતી. આ સ્ક્રિનિંગ દરમિયાન લગભગ ત્રણ હજાર કેદીઓની તપાસ કરવામાં આવી છે. હવે રિપોર્ટ આવ્યા બાદ આરોગ્ય વિભાગ અને જેલ પ્રશાસનમાં ખળભળાટ મચી ગયો છે. મળતી માહિતી મુજબ તપાસમાં 36 કેદીઓ HIV પોઝીટીવ મળી આવ્યા છે. 36 નવા HIV સંક્રમિત દર્દીઓ મળ્યા બાદ જેલ પ્રશાસને કેદીઓનું કાઉન્સેલિંગ શરૂ કર્યું છે.

અગાઉ 11 કેદીઓ એચઆઈવી સંક્રમિત મળી આવ્યા હતા. હવે 36 નવા દર્દીઓના આગમન સાથે દર્દીઓની સંખ્યા વધીને 47 થઈ ગઈ છે. આ તમામની સારવાર કેજીએમયુના એન્ટ્રી રેટ્રો વાયરલ થેરાપી સેન્ટરમાં કરવામાં આવી રહી છે અને ડોકટરોની એક ટીમ ચેપગ્રસ્ત પર નજર રાખી રહી છે.