ઉપલેટા તાલુકામાં ભારે વરસાદના પગલે નીચાણવાળા અનેક અસરગ્રસ્ત ગામોની મુલાકાત પદાધિકારી, અધિકારી તથા એન.ડી.આર.એફ.ની ટીમે લીધી હતી. નીચાણ વાળા વિસ્તારોના લોકોને નદીના પટમાં ન જવા અને સ્થળાંતરિત કરવા સહિતની સૂચના અપાઈ હતી. જાન માલ હાની ન થાય એ માટેની તંત્ર સાબદુ છે.

ઉપલેટા તાલુકાના કુંઢેચ, લાઠ, મજેઠી, તલંગણા ગામે અતિભારે વરસાદ પડતા ડો. ધારાસભ્ય મહેન્દ્ર પાડલીયા, તાલુકા પંચાયત પ્રમુખ વિનુ ચંદ્રવાડીયા, મામલતદાર, તાલુકા વહીવટી તંત્ર અને એન.ડી.આર.એફ.ની ટીમ સાથે ગામની મુલાકાત લઇ પરિસ્થિતીની સમીક્ષા કરી હતી.