જેતપુર-નવાગઢ નગરપાલિકાના વોર્ડ નંબર ૧૦માં આવેલા, દાતારનગર, ગણેશનગર અને શિવકૃપાનગર વિસ્તારની સરખી સમસ્યા દર્શાવતી આ તસવીર છે. જેતપુરમાં થોડો વરસાદ થયો નથી કે આ વિસ્તારો જેતપુરથી સંપર્ક વિહોણા થઇ જાય છે કેમ કે વરસાદ થવાના કારણે આ વિસ્તારના કાચા રસ્તાઓ કિચડ-કિચડ થઇ જાય છે. જેને કારણે વિદ્યાર્થીઓ, સગર્ભા મહિલાઓ, બીમાર વૃધ્ધો ભારે હાલાકી ભોગવી રહ્યા છે. લોકો વારંવાર રજૂઆત કરીને થાકી ગયા છે. નગરપાલિકા અને તાલુકા સેવા સદનના અધિકારીઓએ આ વિસ્તારની સાચી પરિસ્થિતિ જાણવા માટે ચાલુ વરસાદમાં આ વિસ્તારોની મુલાકાત લેવી જોઇએ. તેવી આ વિસ્તારના લોકો દ્વારા, લોકો માટે, લોક માગ ઉઠી છે.